Lokal | 02. sep. 2016

Væpna aksjon etter smell i hus

Ein mann er mistenkt for uaktsam omgang og ulovleg oppbevaring av skytevåpen etter ein aksjon i Os.

Væpna aksjon etter smell i hus
Væpna politi rykte natt til onsdag ut til eit bustadområde i Os. (Arkivfoto/ill. foto: KVB)
Kjetil Vasby Bruarøy
Kjetil Vasby Bruarøyfredag 02. sep. 2016 07:13

Natt til onsdag rykte politiet ut til eit bustadområde i Os etter at det kom melding om eit smell frå eit hus.

– Det var folk i området som hadde høyrd smellet, fortel politioverbetjent Audun Hadler-Olsen.

Politiet stilte væpna. I bustaden fann dei ein berusa mann.

– Vi har tatt beslag i eit våpen og mistenker at dette er avfyrt inne i huset, opplyser politiet.

Utan løyve

Mistenkte sat fengsla frå natt til onsdag til han torsdag blei dimittert etter avhøyr. Saka blir følgt opp vidare.

Vedkomande, ein mann i 30-åra, hadde ikkje løyve til å ha våpenet. Politiet vil ikkje fortelja kva type våpen det var utover at det er eit skytevåpen.

– Var det andre personar i bustaden?

– Det vil vi førebels ikkje seia noko om, men vi har ingen mistanke om at nokon har vore truga med våpenet, seier Hadler-Olsen.

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.