Vakkert nordlys sett frå Søfteland

– Første gong eg har sett det i Sør-Noreg, seier innsendar.

Nordlys sett frå Hjellemarka klokka 00.05 i natt. (Lesarbilde, Marlena Bugała)
Kjetil Vasby Bruarøy
Kjetil Vasby Bruarøyonsdag 06. jan. 2021 08:56

Det fine, klare vintervêret vi har hatt sidan julaftan held fram.

Det gir ikkje berre fin utsikt på dagtid, rett over midnatt var aurora polaris, eller nordlys, synleg frå det nye bustadområdet i Hjellemarka på Søfteland.

– Det var ei magisk og spektakulær oppleving, seier fotografen, som fekk tatt eit par bilde av det fine fenomenet.

– Eg har sett nordøys berre éin gong før, men det var i Nordland, legg ho til.

Nordlys sett frå Hjellemarka klokka 00.05 i natt. (Lesarbilde, tips@midtsiden.no)

Også naturfotograf Liv-Randi Lind, som vaks opp i Vesterålen, fekk fanga nordlys første gong ho såg det i sør. Ho tok dette bildet ved Ulvenvanet i september 2015.

Har du òg fotografert eller filma nordlys på nyåret? tips@midtsiden.no

Via ein gratis app kan du, ifølgje forskning.no, få nordlysvarsel på mobilen.

Ny sjanse i kveld?

Aurora polaris (norsk: polarlys) er eit fysisk fenomen som skjer når solvinden er kraftigare enn normalt, med store elektriske utladninger som slynger elektriske ladde partiklar mot Jorda.

Partiklene er elektronar og protonar som dannar lys når dei kolliderer med gassane i Jordas atmosfære.

Det er meldt delvis skya onsdag kveld og fredag kveld, mens torsdag ska bli overskya.

Frå laurdag kveld til måndag ettermiddag er det meldt 4 til 6 varmegradar og nedbør, men frå tysdag skal det bli kaldt og sol igjen.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.