Politi | 08. apr. 2021

Vaksen mann tatt for tjuveri av sko - ung sjåfør fekk ein prikk for mykje

UP hadde kontroll på Ulvenvegen onsdag.

Vaksen mann tatt for tjuveri av sko - ung sjåfør fekk ein prikk for mykje
(Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 08. apr. 2021 07:16

I 18-tida onsdag rykte politiet ut til Os sentrum etter melding om tjuveri av sko frå ein butikk.

Ein mann i 50-åra er mistenkt. Vedkomande blir skildra som ein kjenning av politiet, og patruljen fekk kontroll på han då dei kom til staden.

– Han er meldt for tjuveriet, fortel politioverbetjent Martin Nordeide.

Målt til 107 km/t på Ulvensletta

Utrykningspolitiet hadde onsdag ettermiddag fartskontroll på Hegglandsdalsvegen.

Det gav ingen resultat denne gong, men på Ulvenvegen var det to fartssyndarar.

Ein av dei, ein gut i slutten av tenåra, blei målt til 107 km/t i 80-sona.

Det resulterte i 9.050 kroner i forelegg og tre prikkar på førarkortet.

Den unge sjåføren hadde opparbeidd seg ein del prikkar frå før, så grensa på 8 aktive prikkar blei passert, og det blei tatt beslag i førarkortet.

Ung mann meldt for brot på besøksforbod

I 19-tida onsdag fekk politiet melding om ein mann som var på ei adresse han er ilagt besøksforbod mot.

Politiet rykte ut og fekk kontroll på mannen, som er i 20-åra.

Vedkomande er meldt og blei køyrd til arresten i Bergen.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.