Lokal | 13. des. 2013

Valets kval

Veg eller næring? Plan- og bygningsutvalet fekk det ikkje lett då dei handsama ein dispensasjonssøknad i Kolskogen.

Valets kval
Skal Fløysand Tak få byggja i skråningen ned mot E-39 eller ikkje? (foto: Andris Hamre)
Andris Hamrefredag 13. des. 2013 10:20

Fløysand Tak, som i slutten av november blei kåra til ei Gaselle-bedrift av Dagens Næringsliv, treng meire plass for å husa dei tilsette i Industrivegen. Torsdag skulle plan- og bygningsutvalet handsama dispensasjonssøknaden frå byggjegrensa kor Fløysand ynskjer å utvida kontora under bakken mot Halhjemsvegen E-39.

– Heile bygget ligg utanfor byggjegrensa. Statens vegvesen har beden oss om å vera usedvanleg påpasselege i dette området fram til ny E-39 og Kyststamveg kjem.

– Vi må prøve å freda området fram til firefeltsvegen har komt. Eg vil anbefala at vi seier nei, sjølv om det er ein fantastisk fin måte å byggje seg ut mot vegen på.

– Må dei gjera noko no, vil eg anbefala at dei ser på andre delar av tomta.

– Eg har ikkje lyst til å seie nei, men vil halde handbrekket på litt til, forklarte Gustav Bahus (Frp).

Kan forsvinna ut av bygda

Terje Sperrevik (TvS) gjekk var ikkje umiddelbart einig med Bahus.

– Eg er lysten på å stemja for. Eg vil jo ikkje ha veien der i det heile tatt, men i staden for via den indre traseen, argumenterte Sperrevik.

– Det er ei vanskeleg sak.

– Vegen er viktig, samstundes har Fløysand Tak blitt ei av dei største bedriftene i bygda.

– Det kan vera at bedrifta forsvinn ut av Os med dette vedtaket, men eg ser at byggjegrensa står sterkt, kommenterte Ståle Skaatun (H) før eit samrøystes utval støtta administrasjonen sitt framlegg om å seie nei til dispensasjonssøknaden.

Spennande? Vil du ha ukas høgdepunkt i innboksen?

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.