ValiOs15 - direktesending frå rådhuset

Bildeserie:

1 av 2

OPPDATERT: Vi hadde over 24.000 unike lesarar på Midtsiden.no valdagen, 5.714 av desse følgte direktesendinga! Takk for fine tilbakemeldingar, vi håper dette var både nytte og hygge!

Midtsiden har i samarbeid med Varde Media rigga studio i kantina i Os rådhus.

I ruta over kan du følgja resultata krins for krins og få direktesendt intervju med listetoppane frå kvart lokalparti i Os.

– Alt er rigga og testa, men vi er naturlegvis spente, seier Midtsiden-journalist og programleiar for kvelden, Andris Hamre.

Videojournalist Ørjan Håland er saman med Varde produsent.

Sendeskjema

– Vi startar med eit intervju med leiar for valkomiteen, Terje Søviknes, klokka 20.55. Frå klokka 21 presenterer vi resltatet frå førehandsstemmene.

Utover kvelden blir resultata frå kvar krins, etterkvart som dei kjem inn presentert og kommentert.

Det blir også eit innslag med videointervju av to førstegongsveljarar og nokre tilbakeblikk på valkampen og debattane som har vore.

– Vi får nok noko dødtid innimellom, men vi håper sjåarane held ut til vi har fått inn alle resultat og tatt alle intervjua vi har planlagt, seier Hamre.

Mens du ventar

Sidan det er ein stor dag har vi også tatt med oss den store mikrofonen.

Wish us luck!

Sjå alle saker og alle lesarinnlegg om valet: Midtsiden samleside, ValiOs15