Valtyrson til Os
Det blir dansk jazz og opningstale av kunstkritikar Borgen når utstilling av Erling Valtyrson opnar på Vedholmen Galleri.
Erling Valtyrson stiller ut i Os. Laurdag 30. september er det vernissasje på Vedholmen Galleri.
– Det er med stor glede at vi inviterer til vår andre separatutstillinga med Valtyrson, seier gallerist Vibeke Harild.
I konkurranse med 99 kunstnarar frå 35 land blei Erling Valtyrson, i september i år, tildelt russiske «Prize for adhering to the traditions and skills of graphical work». Valtyson har hatt ei rekkje utstillingar over heile verda, frå Paris til New York og Kobe (Japan).
I Noreg er verka hans kjøpt inn av blant andre Nasjonalgalleriet, Norsk Kulturråd, Museet for Samtidskunst, Bergen Kunstmuseum/KODE, og av HKH Dronning Sonja (privat samling).
Opningstalar frå Stavanger Aftenblad
Til vernissasjen kjem danske Mads Egetoft for å spela. Egetoft er ein ung jazzmusikar, utdanna ved Det Kongelige Danske Musikkonservatorium i København.
Opningstalen blir halden av kunstkritiker i Stavanger Aftenblad, Trond Borgen.
– Vi er stolte over at Borgen tar seg tid til å koma til Os for å opna haustutstillinga vår i Søre Øyane, seier Harild.
Naturalistisk og surrealistisk
Teknikken mezzotint er nærmast blitt Erling Valtyrson sitt varemerke, ein teknikk han haustar stor internasjonal merksemd og honnør for.
– Mezzotint er ein 300 år gamal teknikk innan djuptrykk. Denne gir god djupne i nyansar, noko som får fram mjuke overgangar i lys og skygge, forklarer Harild.
– Valterson har i hovudsak to typar motiv; studier og forestillinger. Dei kan vera naturalistiske eller surrealistiske.
Kritikaren Trond Borgen karakteriserer bilda til Valterson som «nattsvart stillhet».
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.