Vann prestisjefylt pris

Bildeserie:

1 av 1

Bilverkstaden Thuen & Matre i Industrivegen skifta i fjor kjede og blei ein del av MECA-kjeden.

Sist helg samla kjeden alle medlemmane til fagleg påfyll og vitjing hos leverandørar. Turen gjekk til Budapest kor ein mellom anna vitja Bosch og Bosal.

I tillegg til det faglege arrangerte ein òg den årlege gallamiddagen, kor dei beste verkstadene skulle kårast.

I klassa for Årets nykommar vann Thuen & Matre i konkurranse med Enviro Bil Nesbru as og Kaldheims Auto as.

– Kategorien årets nykommer MECA er ein pris som deles ut til ein verkstad som har blitt medlem i kjeda det siste året. Verkstaden har vist stor evne til å tilpassa seg kjedekonseptet både når det gjeld profilering, marknadsføring og kursdeltaking. Det er framleis eit stykke å gå for å etterleve konsepttanken heilt ut, men fokus og vilje tilseier at vegen er kort, sa markedsdirektør Tore Stensbøl og marketingansvarleg Hilde Nagel i samband med utdelinga.

Vinnar av årets verkstad blei Tech´s as i Hammerfest.