Bildeserie:
Det gror godt blant dei kommande næringslivsleiarane i Os. På fylkesmessa for ungdomsbedriftar frå vidaregåande skule i Hordaland tok tre av dei 11 bedriftene frå Os med seg prisar heimatt.
– Vi er stornøgd.
– Det er første gong bedrifter frå Os vinn. I allefall medan eg har jobba her, fortel fagleiar, Tone Hadler-Olsen.
Held orden i tala
Det blei under messa delt ut 15 prisar innan ulike kategoriar, mellomanna beste logo, beste nettstad, beste forretningsplan og Skatteetaten sin pris for beste rekneskap.
– Infinity Phone UB frå Os vidaregåande skule vann Skatteetaten sin pris for beste rekneskap, jublar Hadler-Olsen.
Infinity Phone UB sin forretningsidé er gjennom god kunnskap å selgje godt mobilutstyr til ypperlege prisar til folk flest.
Nominert til NM
Sølv og bronse blei det til Kaldt UB frå Os gymnas og Coffee Shakes UB frå Os vidaregåande skule i klassa for beste logo.
– Kaldt UB sin logo blei òg nominert til NM for ungdomsbedrifter, så dei har moglegheiten til å motta pris også på nasjonalt nivå, avsluttar faglæraren.
Prisene som blei delt ut var på 1500 kroner for 1. plass, 1000 kroner for 2. plass og 500 kroner for 3. plass. Totalt deltok det 99 bedrifter på fylkesmessa, av dei kom 11 frå Os. Tre frå Os vidaregåande skule og åtte fra Os gymnas.