Vann Vårspretten

Fram til 1. mai har dei talentfulle gutane til Os Turn berre spelt kampar og turneringar utan sluttspel. Difor var spenninga stor då dei endeleg kunne vera med i den tradisjonsrike Vårspretten i Haukelandshallen med sluttspel.

- Vi spelte bra i dei innleiande kampane og blei puljevinnarar etter å ha slått Kjøkkelvik og Årstad og spelt uavgjort mot Sotra, fortel Ostrenar Solveig Sønnøve Hamre.

Spennande semi

I kvartfinalen feide Os Fyllingen enkelt av banen og vann 9-2. Semifinalen blei derimot ein thriller av dei store.

- Vi møtte Gneist, eit lag som vi har tapt mot i seriekampar tidlegare i vinter.

- I semifinalen viste gutane kva dei er gode for og heldt hovudet kaldt heile vegen.

- Du kan tru vi jubla då vi kunne gå av banen med 7-5 siger, fortel trenaren.

Jamnt til pause

I finalen møtte Os igjen Sotra som dei spelte uavgjort mot i innleiande runde.

- Eg var ikkje helt nøgd med den uavgjorte kampen, så vi hadde fryktelig lyst å vinna i dag.

Fram til pause følgde dei to laga kvarandre tett med Os foran med 3-2 leiing.

- I pausen fekk gutane beskjed om at dei måtte tørre å skyte meir.

- Eg tykkjer eigentleg at vi hadde god kontroll utover i omgangen og var ikkje redd for at det ikkje skulle gå vegen, avsluttar ein stolt Ostrenar.

Os vann tilslutt 8-4. Neste oppgåve for Osgutane før dei tek ferie blir Storhamar Cup i pinsen kor dei reiser samen med omlag 140 andre frå Os Turn.