Vannscooter og tiggarar
Politirapporten: Vannscooterkøyring i Hauglandsosen. Tiggarar i Granlia. Rev på Søfteland.
Natt til torsdag fekk politiet melding om ein påkøyrd rev ved Eran på Søfteland.
- Vi varsla viltkontakten som reiste ut og håndterte det, fortel politioverbetjent Terje Sperrevik.
Varsla politibåten
Torsdagen kom det óg melding om to vannscootarar som dreiv på i Hauglandsosen.
- I det tilfellet meldte vi vidare til politibåten som kjem til å følgje opp saka.
Dels aggressive tiggarar
Etter ei roleg periode med tiggarar på dørane i Os kan det nå sjå ut som aktiviteten er i ferd med å ta seg opp att.
- Vi fekk første melding om denne type aktivitet i Solstrandsvegen.
- Der hadde dei oppført seg relativt fint og forsøkte berre å selgja små trefigurar.
- Meldingane vi fekk frå Granlia gjekk på at dei der opptrådde meir aggresivt og pågåande, seier politioverbetjenten.