Vanskeleg og viktig siger

Store snuoperasjonar då Os slo Sogndal 2 på bortebane.

Nils Andris Hamre skåra 6 mål i går, eit av dei mens Os hadde to utespelarar. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 04. nov. 2018 10:49

Herrelaget til Os har hatt ein sterk start på sesongen, med to sigrar og ein uavgjort på dei tre første kampane.

Men måndag kom sesongens første tap, 22-28 heime for BSI, og i går fekk dei det tøft borte mot Sogndal 2.

– Vi mangla nokre spelarar, blant anna Jørgen Wold, og sjølve kampen blei rotete, med mange utvisingar og litt dårleg stemning, fortel spelande Os-trenar Alexander Heggø.

Os fekk sju 2-minuttarar før heimelaget fekk sin første.

– Desto deiligare blei det å ta to poeng! legg han til.

Os leia 12-13 til pause, hamna bak 18-13, og henta seg inn til 20-19.

Ein periode hadde Os berre to (!) utespelarar.

– Det var berre eg og Nils (Hamre) på banen. Og så skåra Nils frå 14 meter! Samtidig byrja Einar (Godø) å tetta godt igjen i målet. Då forsto eg at denne kampen kan vi søren meg vinna.

Då det sto ti minutt igjen leia Sogndal 2 24-20. Kampen enda 24-26.

Os: Einar Godø, Isak Røen 9, Nils Andris Hamre 6, Alexander Heggø 5, Trygve Lerch Dahl 4, Øyvind Heggø 1, Sondre Midtbø, Casper Maltun og Kasper Lyssand Haugland.

– I dag møter vi Gloppen, men både eg, far min (Øyvind Heggø) og Trygve Lerch Dahl er reist heim, så vi stiller med berre 6 spelarar inkludert keeper.

– Derfor var det viktig med siger i går, no har vi fått Sogndal 2 bak oss. Kampen i dag speler vi for at ikkje klubben skal få bot. Sjølv om vi vann med tre mål heime, kan vi ikkje rekna med noko godt resultat i dag.

Terminliste og tabell, handball.no

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.