Var du her?
Politiet etterlyser no vitner i samband med drapssaka 1. nyttårsdag i to konkrete område i Os sentrum.
Hordaland Politidistrikt sendte onsdag ut ei etterlysing etter fleire vitne i drapssaka 1. nyttårsdag.
- Vi etterlyser no vitner frå to bestemte område i Os sentrum, skriv informasjonsrådgjevar Gry Benedicte Halseth i meldinga.
Dei to områda dei no er spesielt interessert i er:
- Område rundt kyrkjegarden avgrensa av Postvegen, Giskavollen og Byvegen
- Område i og rundt Oshaugen, inklusive Gamleheimshagen frå Landboden til Utgjerde.
- Vi ber om at alle som var i desse områda første nyttårsdag mellom kl 1930 og 2300 tek kontakt med politiet.
- Det er viktig at alle som har vore i eitt av områda på desse tidspunkta tek kontakt uavhengig av om dei har observert noko eller ikkje, seier Halseth.
- Vi går no ut med denne etterlysinga fordi vi meiner det framleis finnest vitner som vi ikkje veit kven er.
Var du i desse områda kan du kontakte Os lensmannskontor på 56 30 39 00 eller politiet på 02800.