Torsdag klokka 21.46 fekk politiet melding om støy frå ein bustad bustad nord for Os sentrum.
– Patrulje var ute på staden. Det blei gitt pålegg om ro fram til klokka 08 neste dag, opplyser politioverbetjent Anne Lyssand.
Klokka 23.02 fekk politiet melding om at det framleis var støy. Politiet reiste ut igjen til staden.
– Sak om brot på pålegg blei oppretta. Vedkomande som bur der, ein mann i 30-åra, var lite samarbeidsvillig og ufin med patruljen.
Mistenkte at uvedkomande var om bord i båt
Torsdag klokka 15.10 fekk politiet melding om fest og mogleg uvedkomande om bord i ein båt i Os gjestehamn.
Båten låg i ein del av gjestehamna som er nær Oseana og bustadane i Os Sjøfront, men har ikkje samanheng med seglbåten som politiet jakta på i går.
– Vi kontakta hamnevert for å finna ut kven som er eigar, så vedkomande kunne kontaktast.
Tok hand om rev
Litt før klokka 15 i går fekk politiet melding om at vilkontakt hadde tatt hand om ein rev som truleg hadde skabb.
Reven var utanfor ein bustad på Søfteland då viltkontakt blei varsla og rykte ut på oppdraget.
