Variert og nytt

Sjå smakebitar: Onsdag og torsdag stiller 150 dansarar frå kulturskulen på scenen i Oseana. – Det blir noko heilt anna enn vi har gjort før, lovar Patricia Langeland.

Det blir florlett dans når dansarane på kulturskulen avsluttar sesongen i Oseana onsdag og torsdag (skjermskot frå video)
Andris Hamreonsdag 11. juni 2014 13:27

Heilt sidan nyttår har danse-elevane ved Os kulturskule jobba fram mot avslutningsframsyninga «Høgt, lågt og litt midtimellom». Onsdag og torsdag får foresatte, besteforeldre og andre osingar sjansen til å sjå det endelege resultatet.

– Vi er veldig fornøyd med framsyninga.

– Den blir veldig variert og heilt annerleis i høve kva vi har gjort tidlegare.

– Det å ha med seg Julia Agate Erstad Bergesen som instruktør på skulen er jo nytt for meg, men det har vore heilt fantastisk, fortel danselærar Paticia Langeland.

Det at dei no er to danselærarar gjer skule høve til å ha fleire elevar og klasser.

Frå 7 til 18 år

Samtlege klasser på kulturskulen deltek i «Høgt, lågt og litt midtimellom».

– I år har vi også med oss dei aller minste dansarane, så spennet blir frå 7 til 18 år på scena.

– Kvar klasse er med på minst to av dansane.

– Elevane har virkeleg stått på og jobba steinhardt.

– Dei har rett og slett vore heilt fantastiske, skryt Langeland, som i går gjennomførte ei vellukka generalprøve.

– Viktig for ungane

Billettsalet til dei to framsyningane har gått bra, men framleis er det nokre billettar igjen til kvar av kveldene.

– Desse blir seld i døra.

– Eg håpar folk kjem slik at ungane får kjenna på gleda av å danse for eit fullset Oseana.

– Det fortjener dei verkeleg, avsluttar Langeland.

Sjå ein teaser for framsyninga i videoen nedanfor. Der finn du òg kor elevane har henta inspirasjonen til framsyninga frå. (Foto: Benjamin Langeland/Noenlunde Film & Media)

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.