Vårkonsert med urframføring

Kyriake med band inviterer til ny salmekveld i Nore Neset kyrkje søndag kveld (kl 19.00).

Denne gongen stiller koret med band, og det blir gjenhøyr med utvalde songar frå CD-en «Noko attåt», under leiing av vår lokale komponist og korleiar Norvald Johan Kobbeltvedt. Dei som ikkje har sikra seg CD-en før, kan få kjøpt han der.

Urframføring og markering av Luther-året

Du kan også gle deg til urframføring av ein ny salme frå Norvald si stødige komponisthand.

Vi er midt i jubileumsåret for reformasjonen 1517, så vi legg inn ei lita Luther-markering.

Litt «krydder» blir det, i form av resitasjon og dikt, og høve til å syngja med på nokre songar frå den nye salmeboka.

Gratis inngang - kollekt til dekking av utlegg. Velkommen til fellesskap omkring lokal og nasjonal salmeskatt!