Varm velkomst på Flesland

Eldsjela Brit Tungeland blei tatt godt imot då ho i går kom heim frå Idrettsgallaen på Hamar.

Kjetil Vasby Bruarøy
06. januar 2020 - 10:24

– Då ho fekk prisen, blei vi raskt einige, «vi må til Flesland»! fortel Elisabeth Nedrelid.

Ho er ein av dei som lagde fest i klubbhuset på Kuventræ under sendinga laurdag. Fleire av dei som var i klubbhuset, og nokre av dei som har så unge barn at dei heller sat heime i sofaen, var med til flyplassen.

– Det blei mange gledestårer laurdag kveld, og fleire nye søndag, både då vi såg reprisen og då vi fekk sjå Brit igjen.

Sjå bildeserie og les intervju med Brit etter gallaen

Andre som sto i ankomsthallen forsto fort kva som var på gang, og kven dei venta på.

– Vi hadde blant anna ein kar frå Gneist som såg ut til å trippa etter å vera med, så vi ønskte både han og fleire andre med i heiagjengen. Eg trur mange i fylket og resten av Idretts-Noreg gler seg over denne prisen og den fine prismottakaren.

Brit viste diplomen ho fekk i kulturhuset før gallaen i Hamar OL-amfi. Den flotte kuppelen av ein pokal skal ho ha med seg på trening. Etter nokre dagar fri.

Les meir om

Sport Handball