Varma opp til Døds Challange

– Det er ikkje noko særleg å dødsa utan løpefart, seier Andreas etter første dukkert frå brua mellom Sundøy og Bruarøy.

Han og Arne Veim Haugland er blant dei 31 påmeldte til årets nye aktivitet over fjorden, Tysnesfest Døds Challange.

• Les òg: Frå kassabil til mageplask

Regjerande verdsmeister Emil Lybekk skal òg delta. Det same skal spanske Juan Laureat, som tok 8. plass i VM 2018.

Sjølv tok Arne 3. plass i fjor og har 2. plass som beste plassering i VM i den tvilsame, norske stupegreina dødsing. Andreas har dødsa med Arne i over sju år.

• Sjå video: Galskap i Osbadet (2012)

I 2015 vann han eit ope nordisk stemne i AdO, i førre veke gjennomførte Andreas eit av verdas høgaste døds, frå 23 meter på den greske øya Lefkas.

Tysnesfest Døds Challange startar i Våge hamn laurdag klokka 15.

I videoen over fortel Arne og Andreas korleis eit skikkeleg døds skal sjå ut - før dei viser frå Sundøybrua.

I videoen under ser du Andreas sitt høge døds i Hellas. – Det er ikkje å anbefala å døsa frå denne høgda. Risikoen er svært høg, vi er kanskje under ti i verda som har døsa frå over 20 meter, seier Andreas.

Andreas Olsen 23 meter døds Hellas 2019 from Midtsiden on Vimeo.