Varmar opp for Lenny Kravitz
Maya Vik frå Os speler på Koengen 16. juni!
Laurdag 16. juni blir det “Fly Away”, “Are You Gonna Go My Way” og "It Ain't Over Till It's Over" i Bergen.
Men det blir også ein dose lokalprodusert musikk i forkant av Lenny Kravitz;
Maya, som har spelt i Furia og Savoy, vunne spellemanssprisen med Montée og i haust debutert med kritikarrost soloalbum, skal varma opp for den amerikanske verdsstjerna.
Ifølgje Bergenlive vel Kravitz sine partnarar frå øvste hylle. I tillegg til Maya Vik skal bandet Vintage Trouble varma opp på Koengen, skriv BA.no i kveld.
Vintage Trouble er et nytt band frå Los Angeles som speler ei blanding mellom soul og rock.
Det er framleis ledige billettar til konserten.
Midtsiden har ikkje lykkast i å nå Maya, som i februar fekk Os kommune sitt kulturstipend, på telefon.