Vårsleppet er i gang

• Midtsiden har starta utsending av gratis nyheitsbrev på epost - meld deg på her

I dag skulle det årlege vårsleppet vore i Os sentrum. Koronasituasjonen har gjort at Os Sentrumsforening har tatt ein ny vri på arrangementet, og samla inn hjarte, teikningar og dikt.

I tillegg er Lille Ballong hyra inn til å dekorera med oppblåsbare og miljøvenlege hjarte.

– Vi har ingen innslag i programmet, då hadde vi risikert å samla folk for mykje. Vi vil at dei som kjem til sentrum i dag held passeleg avstand til kvarandre, og samtidig får ein ekstra fin dag på Osøyro, seier Marte Kristensen frå Fjordfolk.

Fjordfolk er hyra inn til å gjennomføra arrangementa for Os Sentrumsforening i år. Tidlegare i april koordinerte dei filming av eit moteshow. Videoen blei publisert for to veker sidan og er sett over 9.200 gongar.

– 13 butikkar deltok, frå tekstil, sko og briller til mat og hudpleie. Også Fargerike deltok, det same gjorde dyrebutikken Max, som hadde hund på catwalken.

Moteshowet blei filma av Postracer Productions ved Ole Henning Bøe i etasjen over dyrebutikken.

Her er det 15 minutt lange moteshowet: