Lokal | 09. mars 2015

Vårteikn på plass og sol i vente

Naturfotografane Lind og Lunde fanga førre veke fine vårteikn med kamera. Onsdag kjem finvêret – denne gong for å bli ei stund.

Årets første tjeld såg Oddmund på onsdag, torsdag tok Liv-Randi bilde av kusymre. (Foto: Oddmund Lunde og Liv-Randi Lind)
Kjetil Vasby Bruarøy
Kjetil Vasby Bruarøymandag 09. mars 2015 08:03

Det har vore ein forblåst, men mild vinter i Noreg. Februar var månadstemperaturen i heile landet 4,2 gradar over normalen og månaden blei blant dei fem mildaste sidan 1900, ifølgje met.no.

Fleire vårteikn har dukka opp i Os. To av dei har fotografane Liv-Randi Lind og Oddmund Lunde tatt bilde av.

– Den første tjelden fann eg den 4. mars på ein liten holme utanfor Halhjem, fortel Oddmund.

Dagen etter tok kona Liv-Randi bilde av kusymre, fylkesblomsten for Hordaland. Denne fann ho på Ytterøya.

Sol frå onsdag

Vinterferien og veka som følgte har vore våt. I dag, måndag, har vi lettskya opphaldvêr i Os, men det er venta litt regn i ettermiddag og lett nedbør gjennom heile morgondagen.

Men Yr og Storm har same melding for onsdag: Nærmast skyfri himmel og 5-6 varmegradar.

Sett vekk frå nokre byger torsdag skal det vera sol, opphaldvêr og lite vind frå onsdag og ei veke fram.

Temperaturen skal ligga på 5 til 7 varmegradar på dagtid, men enkelte netter er det fare for frost.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.