Lokal | 02. okt. 2014

Vellukka trafikksikringsdag

– Det hjelp ikkje med hjelm, om vedkommande ikkje pustar. Elevane i 10. klasse fekk praktiske døme på trafikksikringsdagen torsdag.

Vellukka trafikksikringsdag
Kjersti Mellingen frå brannvesenet demonstrerte korleis sjekka om pasienten pustar (foto: Andris Hamre)
Andris Hamretorsdag 02. okt. 2014 13:35

Bildeserie:

Interesserte elevar følgde nøye med (foto: AH)
Interesserte elevar følgde nøye med (foto: AH)
Politibetjent Anne Lyssand, for anledninga som syklande politi, hadde med seg tre politistudentar (foto: AH)
Politibetjent Anne Lyssand, for anledninga som syklande politi, hadde med seg tre politistudentar (foto: AH)
Distriktsleiar i Trygg Trafikk, Arne Aase (foto: AH)
Distriktsleiar i Trygg Trafikk, Arne Aase (foto: AH)
Interessa var stor for å få vita meir om trafikalt grunnkurs og trafikkopplæringa hjå Arne Bjoarvik (foto: AH)
Interessa var stor for å få vita meir om trafikalt grunnkurs og trafikkopplæringa hjå Arne Bjoarvik (foto: AH)
Gitle Smaadal og Arne Monsen forklarte kva utstyr dei nyttar på ulykkesstaden (foto: AH)
Gitle Smaadal og Arne Monsen forklarte kva utstyr dei nyttar på ulykkesstaden (foto: AH)
1 av 5
Interesserte elevar følgde nøye med (foto: AH)
Politibetjent Anne Lyssand, for anledninga som syklande politi, hadde med seg tre politistudentar (foto: AH)
Distriktsleiar i Trygg Trafikk, Arne Aase (foto: AH)
Interessa var stor for å få vita meir om trafikalt grunnkurs og trafikkopplæringa hjå Arne Bjoarvik (foto: AH)
Gitle Smaadal og Arne Monsen forklarte kva utstyr dei nyttar på ulykkesstaden (foto: AH)

Torsdag blei den første trafikksikringsdagen arrangert i Oseana for elevar i 5. og 10. klasse på skulane i Os. Bak aksjonsdagen står trafikksikringsutvalet i kommunen, som hadde fått med seg representantar frå politiet, brannvesenet, Trygg Trafikk og trafikkskulane på prosjektet.

Etter ei innleiande runde i plenum, kor elevane fekk sjå døme på, og viktigheten av, å ha gode refleksar gjekk turen i grupper ut til stands med kvar av postane.

– Kva gjer de om de er først på ulykkesstaden?

– Det er nokre ting de må hugsa. Sikra dykk sjølv og staden, ringa 113 og fortelja kven de her, kor de er og kva som har skjedd, forklarte Kjersti Mellingen frå brannvesenet.

Gi livreddande førstehjelp

I løpet av dei fem seks minuttane elevane vitja posten til Mellingen, skulle ho ikkje berre fortelja kva dei skulle gjera, men òg demonstrera korleis sjekka om pasienten var i livet.

– Sjå, kjenn og lytt etter om pasienten pustar.

Sidan mange av elevane er aktuelle mopedførarar i løpet av det kommande året fekk ein skadd mopedist sjølvsagt litt ekstra merksemd.

– Kva gjer de om vedkommande har hjelm på? Då er det ikkje like lett å høyre om vedkommande pustar.

– Vi er jo redde for å ta av hjelmen i frykt for at nakken skal vera skada, men kva hjelper det å ikkje ta av hjelmen om han ikkje pustar.

– Difor må de prøva å lirke av den, demonstrerte Mellingen.

– Ikkje gjer noko dumt

På ein av dei andre postane sto ansvarleg for forebyggande tenster ved lensmannskontoret, Anne Lyssand saman med tre politistudentar og Arne Aase frå Trygg Trafikk.

– Veit de konsekvensane av å kjøra moped før de har lov, undra Lyssand.

– Eller å køyra med promille, supplerte Aase.

At det ikkje var lov, var elevane klare over, men at det kunne bety at dei fekk utsatt førarkortet med seks månader eller kunne bli nekta innreise til USA var det færre som var klar over.

– Det er utruleg kjipt å sitta på bussen og sjå venene køyra forbi, berre fordi du gjorde noko dumt, poengterte Lyssand.

Kjøpte vin, fekk ikkje lappen

Køyreskulelærar Arne Bjoarvik gav eit anna døme på ting som kunne gjera at ein fekk utsatt å ta førarkortet.

– For å få førarkort må de ha ein vandel som er ok.

– Eg hadde nyleg ein elev som skulle ta førarkort på bil.

– Han måtte venta i seks månader fordi han hadde forsøkt å kjøpa vin på Vinmonopolet med falsk legitimasjon og blitt avslørt.

– Det er ikkje berre ting i trafikken som gjer at de får utsetting, forklarte Bjoarvik.

God respons

Leiar i trafikksikringsutvalet, Ståle Skaatun, var godt nøgd med responsen frå elevane.

– Bakgrunnen for at vi tok initiativet til dagen var eit ønskje om auka fokus på trafikktryggleik, og kanskje spesielt det å nytta refleks.

– Det blei to litt forskjellige opplegg sidan dei er i forskjellig alder og har litt forskjellig utgangspunkt, men eg opplever at responsen frå elevane blei god.

– Eg må få takka dei som stilte opp i dag, og spesielt Marianne Kramer og Knut Vidar Garlid frå administrasjonen som har tatt seg av det praktiske, avslutta Skaatun.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.