Bildeserie:
Natt til fredag sleppte Martine låten «Sideshow», fredag kveld var det releaseparty på Baronessen.
Adeo og Fole opna showet, og fekk folk ut av sofaene og ned på dansegolvet i det intime konsertlokalet.
Martine sjølv var på scenen i duett med Mats Cato Moldskred, både på urframføring av ein ny låt Sondre Skaftun og Mas Cato har skrive, og på den kjente låta «Shallow», frå filmen «A star is born».
Så blei ei lokal stjerne kanskje fødd.
Martine Frotveit Johnsen viste scenetekke då ho deltok i Idol, og var tydeleg komfortabel også framfor eit heimepublikum.
– Eg er takknemleg for at det var så mange som kom, og rørt over at så mange hadde lært seg refrenget på den ferske låten min, seier Martine til Midtsiden.
Publikum song med - og ba om meir. «Éin gong til, éin gong til!» - og det fekk dei.
– Kvelden blei perfekt, seier Martine, som takkar både storesøstera Malin, tekstforfattar Mats Cato og produsent Sondre for god hjelp med både låten og sleppefesten.