Lokal | 20. aug. 2015

Venta 19 år på å fly

Til 70-årsdagen ønskte han seg tur i seglfly. I går, eit år før han fyller 90, fekk Bjørn Pedersen endeleg ønsket oppfylt.

Venta 19 år på å fly
Her går Bjørn Pedersen (88) i lufta, 19 år etter at han ønskte seg seglflytur. (Foto: Varde Studio)
Kjetil Vasby Bruarøy
Kjetil Vasby Bruarøytorsdag 20. aug. 2015 12:06

Bildeserie:

Bjørn saman med pilotane Edwin Egeland og Arne Wangsholm. (Privat foto)
Bjørn saman med pilotane Edwin Egeland og Arne Wangsholm. (Privat foto)
Neste år er han 90. I går fekk han endeleg sin første tur i seglfly. (Foto: Varde Studio)
Neste år er han 90. I går fekk han endeleg sin første tur i seglfly. (Foto: Varde Studio)
Dottera og hunden var med på flystripa på Vaksinen. (Foto: Varde Studio)
Dottera og hunden var med på flystripa på Vaksinen. (Foto: Varde Studio)
Klar for ombordstiging. (Foto: Varde Studio)
Klar for ombordstiging. (Foto: Varde Studio)
Passasjeren i front og pilot Wangsholm bak. (Foto: Varde Studio)
Passasjeren i front og pilot Wangsholm bak. (Foto: Varde Studio)
– Det var utruleg kjekt. Fallskjerm neste! seier Pedersen. (Foto: Varde Studio)
– Det var utruleg kjekt. Fallskjerm neste! seier Pedersen. (Foto: Varde Studio)
Det blei også tid til kaffi og ein god prat. (Foto: Varde Studio)
Det blei også tid til kaffi og ein god prat. (Foto: Varde Studio)
1 av 7
Bjørn saman med pilotane Edwin Egeland og Arne Wangsholm. (Privat foto)
Neste år er han 90. I går fekk han endeleg sin første tur i seglfly. (Foto: Varde Studio)
Dottera og hunden var med på flystripa på Vaksinen. (Foto: Varde Studio)
Klar for ombordstiging. (Foto: Varde Studio)
Passasjeren i front og pilot Wangsholm bak. (Foto: Varde Studio)
– Det var utruleg kjekt. Fallskjerm neste! seier Pedersen. (Foto: Varde Studio)
Det blei også tid til kaffi og ein god prat. (Foto: Varde Studio)

– Eg trur han blei litt skuffa då han ikkje fekk seglflytur i bursdagsgåve til 70-årsdagen, seier Britt Hughes om pappa Bjørn.

Bjørn Pedersen, som fyller 89 år i desember, har lenge vore fascinert av seglfly. Mora hans fekk fri frå skulen då det første flyet kom til Horten tidleg på 1900-talet. Sjølv har han hamna på Vestlandet som dataingeniør i marinen.

Men i går var det «flyvåpenet» det handla om.

Serverte gåva til frukost

Britt jobbar på heliporten på Flesland og det var ein kollega som tipsa om Os Aero klubb og seglflymiljøet på Os.

Måndag morgon, då ho åt frukost saman med mor og far, fortalte ho at ho hadde bursdagspresangen klar.

– «Men han har ikkje bursdag før i desember» sa mamma. Eg ville gje gåva no så han slapp å venta gjennom vinteren på at det skulle bli fint vêr å fly i.

– Eg blei gledeleg overraska. Vi har funne på mykje rart saman, eg og Britt. Ho er noko for seg sjølv, vi har alltid vore gode kompisar, vi to, seier pappa Bjørn.

Gav meirsmak

Onsdag ettermiddag gjekk turen frå Bergen til Os, flystripa på Vaksinen og lokalet til aeroklubben.

– Vi fekk ei heilt utruleg mottaking! I det flotte klubbhuset fekk vi kake og kaffi, og det gjekk an å kjøpa seg middag til ein rimeleg penge, og folka var heilt utrulege. Det verka så velorganisert og positivt heile miljøet på Ulven, seier Britt.

Så var det tid for å rulla ut seglflyet og slepa det opp i lufta.

– Det var fantastisk gøy. Piloten fortalte og forklarte, spurde om eg ville kjenna på litt G-krefter, og tok eit stup. Eg fekk magen i halsen, men det toler eg, seier Pedersen og ler.

Han fekk også låna stikka og styra flyet eit stykke.

– Det gav meirsmak, samtidig fekk eg lyst å prøva noko anna. Eg sa til dottera mi etterpå at no er det fallskjerm neste. Men vi får sjå, seier den spreke 88-åringen.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.