Torgfest i Os 2019

– Vi e' jo vennar heile gjengen

Video og bildeserie: Torgfesten på 10 minutt.

image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Laurdag kveld blei det arrangert torgfest på Osøyro for tredje år på rad. Starten i 2017 blei ein suksess med rett over 300 selte billettar, fjoråret hadde over 20 gradar, sol, Untoucheblues-comeback og 616 gjestar - og i går var det spente arrangørar som sto i yr og 8 gradar og venta på publikum.

– Vi hadde jo selt langt fleire på førehand, per 17. mai, men det blei tidleg tydeleg at vi fekk cirka 15 færre varmegradar enn i fjor. Det var dessutan 400 som kjøpte billettar i døra i 2018, vi kunne ikkje rekna med det same på ein så kald kveld, seier musikar og medarrangør Eirik Søfteland.

Likevel kom det i alt over 400 i går, 370 av dei var betalande gjestar.

– Dette er vi nøgd med. Artistbudsjettet var noko høgare i år, med ein tilreisande Elg, men no går vi i det minste cirka i null. Å laga ein god minifestival er målet kvart år, og det følte eg vi klarte i går. Publikum var i godstemning, og det var kanskje endå meir liv framfor scenen i år enn i fjor.

Pessimist og kamerat

Vêret blei ikkje varmt, men det letta, og store delar av publikum var på plass då Sleepwalkers gjekk på scenen klokka 18. Også Haavard Skaatun hadde eit godt publikum frå klokka 19, og då Øivind «Elg» Elgnes gjekk på scenen klokka 20, blei dansegolvet tatt i bruk.

• Laurdag formiddag: Elg i SakkoSekkStudio på Solstrand

– Eg startar med ein låt som er nok eit bevis på at eg er ein pessimist, sa Elg, og drog i gang med «Ein helt vanlig solskinnsdag» frå albumet han gav ut i fjor, «Ei merkelig tid».

Bighorn Butterboys fekk endå meir fart i publikum, med hillbillyversjonar av kjente hits. Undercover heldt fram med meir naturtro kopiar av andre låtar før dei fekk Elg med seg på scenen.

Først song han Johnny Cash og Donkeyboy, så song han om venskap saman med Eirik.

Fleire saker