– Vi føler oss trygg på nye 4 år

#ValiOs15: Førebels oppteljing viser 51,9 % til Frp/Høyre. – Vi er nok nærmare 19 enn 17 mandat, seier Søviknes.

Terje Søviknes med posisjonskollegaer følgde oppteljing på Midtsiden TV på storskjerm hos Solsiden.  (Foto: KVB)
Kjetil Vasby Bruarøy
Kjetil Vasby Bruarøytirsdag 15. sep. 2015 02:40

Førebels oppteljing, som blei klart då Nore Neset som site av 10 krinsar kom inn rundt klokka 00.45 natt til tysdag, viser at Frp går fram frå 37,7 i 2011 til 39,6 %.

Midtsiden TV: Vi sendte 4 timar direkte frå rådhuset, her kan du sjå opptaket.

– Vi er utruleg audmjuke og takksame for denne fantastiske oppslutnaden etter 16 år, seier Søviknes etter valet.

Sjå førebels resultat, krins for krins, med samanlikning med resultat frå 2011.

Mens Frp går fram og aukar frå 13 til 14 mandat går Høyre mykje tilbake, frå 16,0 til 12,3 %. Dette er 0,8 prosentpoeng betre enn i 2011, men nok til at Høyre mister to mandat.

Frp/Høyre likevel med til saman 51,9 prosent og 18 av 35 sete i kommunestyret.

– Kva med finteljinga?

Endeleg resultat kjem ikkje før onsdag.

Det som står igjen å telja er personstemmer og framandstemmer, altså stemmer frå dei som har røysta i eit anna lokale enn krinsen dei høyrer til i.

– Eg føler meg likevel trygg på at vi held på fleirtalet. Med SV ute forsvinn deira 1,7 prosent, i tillegg er vi inne med 18 med god margin. Eg trur faktisk vi er nær å klatra til 19 mandat, seier Søviknes, som med det kan ha sikra seg fire nye år og kan bli sitjande samanhengande 20 år som ordførar.

TvS tilbake, MdG mest fram

Mens MdG går fram frå 1,0 til 5,1 % og frå ingen til 2 mandat går TvS tilbake frå 9,8 til 6,9 % og halverer talet på mandat frå 4 til 2.

Sp ligg an til å få eitt mandat ekstra, Venstre aukar, men får ikkje fleire mandat, også Ap og KrF held på sine 7 og 2 mandat.

Dette er ikkje mykje ulikt resultatet av meiningsmålinga Midtsiden kjørte i samarbeid med BT førre veke.

Totalt, Os kommune, førebels resultat:
Frp 39,6 % = 14 mandat (+1)
Ap 19,4 % = 7 mandat (+/- 0)
Høyre 12,3 % = 4 mandat (-2)
TvS 6,9 % = 2 mandat (-2)
Venstre 6,2 % = 2 mandat (+/- 0)
MdG 5,1 % = 2 (+2)
KrF 4,4 % = 2 mandat (+/- 0)
Sp 4,3 % = 2 mandat (+1)
SV 1,7 % = 0 mandat

Dette er etter at 99,7 prosent av stemmene er talte. Det tilsvarar frammøte på 64,9 %, (9.214 av 14.250), noko som er svakare enn i 2011 (69,1 %)

Sånn stemte osingane i 2011:
Frp 37,7 % (-7,1) - 13 mandat
Ap 19,4 % (+5,3) - 7 mandat
Høyre 16 % (+4,5) - 6 mandat
TVS 9,8 % (-2,2) - 4 mandat
Venstre 5,3 % (+1,4) - 2 mandat
KRF 5,3 % (-0,9) - 2 mandat
SP 3,3 % (-0,0) - 1 mandat
SV 1,8 % (-1,7) - 0 mandat
MDG 1 % (+1) - 0 mandat
RØDT 0,3 % (-0,2) - 0 mandat

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.