- Vi har kontroll

Sidan 2009 har Os Turn fotball arrangert Bjørnefjorden cup for fotballspelarar frå 1. til 6. klasse.

9. og 10. juni kjem det heile 1100 unge spelarar klare til dyst. Når ein veit at dei fleste av desse har med seg mor, far, bestemor, bestefar og syskjen reiknar ein med at så mange som opp mot 10.000 kan ta vegen til Kuventræ i løpet av laurdagen og søndagen.

Ei kjekk helg

Dagleg leiar i Os Turn Fotball, Leif Idar Røen ser fram til helga.

-Vi er i rute og har kontroll.

- Eg trur det blir ei kjekk helg på Kuventræ, seier han.

Kvar av laga speler to kamper lørdag og to på søndag. Kampane er fordelt på 9 baner.

Mellom slaga blir det grilling og salgsboder frå blant anna MX Sport.

Alle deltakarar og foreldre som er med denne helga får også tilbud på bading i Osbadet.

- Vi er glade for at næringslivet støttar opp om turneringa og bidreg med å gje deltakarane litt ekstra, smiler Røen.

Parkering

Det kan fort bli fullt av bilar på parkeringsplassen ved Kuventræ i helga.

Os turn har difor fått tillatelse til å bruke parkeringsplassane til bedrifter rundt idrettsanlegget.

-Vi må få retta ein stor takk til bedriftene i Industriveien som har velvillig lånt bort parkeringsplassane sine til oss i helga.

Avslutter med A-lag kamp

Kvar av spelarane vil motta premiar for innsatsen etter at dei har spelt siste kampen.

- Den siste utdelinga reknar eg med blir omlag klokka 16.30 søndag, men det er ingen grunn til å forlata Kuventræ av den grunn.

- Klokka 19 avsluttar nemleg A-laget fotballhelga med å ta i mot Koparvik i 3. divisjon. Eg håpar mange av deltakarane har lyst til å vera med å skapa stemning også på denne kampen, avsluttar Leif Idar Røen.

Fint vêr, som alltid

Bjørnefjorden Cup har opp gjennom åra vore heldige med vêret. Om ein skal tru prognosane frå Storm.no blir dei det i år òg.

Laurdag skal det bli lett-/halvskya med temperaturar opp mot 17 grader. Søndag blir like fin, riktignok med fare for litt regn (0,7 mm) frå klokka 12 og utover.

Sjå langtidsvarselet frå Storm.no