– Vi trudde dei åt smør

Den populære kafeen i eldresenteret har ikkje ferie. Gjestane har mange varme sommarminne, også frå tida då osingane ikkje hadde iskrem å kjøla seg ned med.

Det starta med handarbeid i denne gjengen, Perleklubben. No har det blitt ein fast onsdagskafé, open for alle, i Os Eldresenter. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 26. juli 2014 09:09

Bildeserie:

Johannes Nordvik får servering av Ruth Nicolaysen og Gunvor Østrem. Johannes Taule mellom damene. (Foto: Kjetil Vasby Bruarøy)
Langt frå alle driv med handarbeid, praten og det sosiale er viktigast. (Foto: Kjetil Vasby Bruarøy)
Også mannfolka får vera med. (Foto: Kjetil Vasby Bruarøy)
Kafeen er for andre år også open gjennom ferien. (Foto: Kjetil Vasby Bruarøy)
Johannes Nordvik får servering av Ruth Nicolaysen og Gunvor Østrem. Johannes Taule mellom damene. (Foto: Kjetil Vasby Bruarøy)
Langt frå alle driv med handarbeid, praten og det sosiale er viktigast. (Foto: Kjetil Vasby Bruarøy)
1 av 4
Langt frå alle driv med handarbeid, praten og det sosiale er viktigast. (Foto: Kjetil Vasby Bruarøy)
Også mannfolka får vera med. (Foto: Kjetil Vasby Bruarøy)
Kafeen er for andre år også open gjennom ferien. (Foto: Kjetil Vasby Bruarøy)
Johannes Nordvik får servering av Ruth Nicolaysen og Gunvor Østrem. Johannes Taule mellom damene. (Foto: Kjetil Vasby Bruarøy)

I nyutvida Os Eldresenter er det folksamt, men romsleg, når 40 eldre er på den faste onsdagskafeen.

– Det starta som ein strikkeklubb, Perleklubben kalte vi han. Men så ville absolutt mannfolka vera med oss, humrar damene i den eine salongen.

Nokre av dei held framleis tekstilproduksjonen oppe. Andre nøyar seg med mat, kaffi og ein prat.

Andre sommar med ferieope

Johannes Taule i Os Pensjonistforening er nøgd og glad for godt oppmøte også i tropevarmen onsdag.

– Ho som jobbar her fast har ferie, men vi vil ha kafé likevel. Heldigvis har vi Ruth Nicolaysen og Gunvor Østrem som meldte seg til å stå på kjøkkenet desse vekene i ferien, seier han.

I fjor var første år med ferieopen kafé, også i år er det ope gjennom heile sommaren.

– Vi var her klokka åtte for å smøra rundstykke og steika vafler og pannekaker. Pannekakene forsvann med éin gong, vi har godt sal av både mat og kaker.

Ein viktig møteplass

Ingen av dei Midtsiden snakkar med tenkte seg om to gongar før dei gjekk på kafé i 30 varmegradar.

– Vi har det så svalt og fint her, frisk luft og passeleg temperatur. Kafeen må vi på uansett, det er så kjekt å treffa kvarandre.

– Mange av oss er einslege og då er dette ein god og viktig møteplass.

– Det var veldig bra at vi fekk tilbygget, vi slepp å sitja så tett, samtidig kom mannfolk-bordet litt nærmare damebordet, ler gutane i gubbesalongen.

Før iskremen kom til Os

Kafeen er open for alle, ikkje berre medlemmar av pensjonistforeininga. Dei fleste av deltakarane er mellom 70 og 90 år.

– Men vi føler oss som ungdomar, forsikrar Nicolaysen med glimt i auget.

Tilbake i salongen der det heile starta, der strikkepinnane går like fort som replikkane, sit ein gjeng som har fleire varme sommarminne.

– Men ikkje som dette. Det nærmaste eg kan hugsa er den sommaren eg kom til Os, i 1956, seier Cecilie Haugland.

Ho jobba på Mobergslia og gjekk i Kuvågen og bada for å kjøla seg ned.

– Vi visste ikkje kva iskrem var for noko. Eg hugsar enno første gong eg såg nokon eta is. Vi var i by’n og folk gjekk rundt og åt på noko seigt og gult. «Et dei på smør!» spurde vi kvarandre.

– Seinare kom heldigvis iskremen til Os òg. Isbilen til Neumann, som hadde butikk i Elvebakken, var veldig populær, minnest Haugland.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.