Video frå Bendit Cup

(Foto/klipp: Ørjan Håland, Midtsiden.no)

Laurdag blei solrik, med litt vind på øvre bane - søndag blei noko våtare.

– Men vi var heldige. Det var i utgangspunktet meldt regn begge dagar og meir regn søndag enn det som kom, seier dagleg leiar i Os Turnforening, Hans Parnefält.

Sjå bildeserie frå laurdagen.

– Årsaka til at vi auka frå 110 i fjor til 142 i år var kanskje at vi var tidlegare ute med invitasjonen. Det er noko lettare å organsiera dette no når vi har fleire i administrasjonen.

– Vi har allereie byrja å sjå på kva vi kan få til i 2016, når vi har tre banar igjen.

Os Fotball er Bendit Cup-ambassadør og jobbar for tida under Bendit-slagordet «eat, move, sleep», med fokus på kosthald og kvile i kombinasjon med idrett.

Dommarar på sommarjobb

Cupen hadde rekordmange 142 deltakande lag med til saman over 1400 spelarar.

– I tillegg kjem tilskodarar, foreldre, besteforeldre og søsken, og dommarar og trenarar. Vi har nyleg hatt alle jenter og gutar på 14 år på dommarkurs, så dei fekk seg ei helg med litt sommarjobb.

FFO, akademi og fotballskule

I morgon har Os Fotball open dag på fotballfritidsordninga.

– Vi har rundt 85 prosent belegg, men vurderer å auka, blant anna ved å ordna med transport frå fleire skular. Dei gjer dette på Sotra og vi skal ut der på studietur, fortel Hans.

– Det er mykje liv på Kuventræ for tida, frå morgon til kveld, og det blir endå meir med morgonakademiet, fotballgymnaset og når nye Os Idrettspark står ferdig.

Neste arrangement er Hassan El Fakiri's fotballskule, som blir arrangert frå 29. juni til 1. juli.