Bildeserie:
Os vann det prestisjefylte lokaloppgjeret mot 3. divisjonsmotstandar Lysekloster i gårsdagens første runde i NM-kvalifiseringa.
– Vi har blitt veldig farlege framover, eg synest det var veldig fortent at vi gjekk opp i 3-0-leiing, synest Jørn Vegard Berge.
– Dette var veldig bra med tanke på at vi har trent 10 økter dei siste 7 dagane, og hadde ein lang reisedag fredag. Når vi blir lettare i beina kan det bli endå gøyare.
– Det er forsvaret og keeper eg vil trekka fram etter denne kampen. Vi møter sterk motstand, og rett nok har dei ballen mest i første omgang, men dei skaper veldig lite.
– Frode er berre 18 år, men er autoritær og trygg mellom stengene. Det var dessutan kjekt å sjå debutant Emilis og sterke Dani spela ein heil kamp.
Os - Lysekloster 3-1 (1-0)
Målskårarar: Erik Kanestrøm (11.), Roar Vestbø (66. og 78.) og Kim Kleivedalen (86.)
– Vi blei for dårlege til å hindra overgangar og for lite villig til å satsa. Vi blei ståande å venta på å få ballen i beina, dette var ikkje godt nok, synest Lysekloster-trenar Torbjørn Birkelund.
Men han er nøgd med 25 minutt i midten av første omgang. Då sto Lysekloster høgt med ball og produserte rundt 8 cornarar på ein kort periode.
– Men vi klarte ikkje å skåra på corner før det var fem minutt igjen. Samtidig var vi heldige som ikkje fekk fleire imot i 2. omgang, for då hadde Os nokre store sjansar før dei auka til 2-0 og 3-0.
Os (4-3-3): Frode Moberg Øvredal - Torkel Hjertnes, Dani Alvær Bergstø, Emilis Zilinskas, Glenn Krossøy - Stian Lunde, Erik Kanestrø, Håkon Kvittingen - Roar Vestbø, Mats Cato Moldskred og Christer Olsen.
Innbytarar med speletid: Mats Lepsøe, Ørjan Glesnes og Kenneth Gjerde
Lysekloster (4-3-3): Chris Sunde Midtun - Joakim Hjelmeland, Kristian Magnussen, Aleksander Andersen, Mattias Høiland - Simen Birkelund, Tore Valvik, Preben Borgen - Kim Kleivedalen, Lars Henrik Skage og Ramo Racic.
Os speler andre kvalifiseringkamp til NM om to veker. Det er førebels uvisst kven som blir motstandar.
VIDEO: Sjå drygt 8 minutt med alle skåringane og nokre av duellane og sjansane i gårsdagens kamp. (Foto/klipp: Kjetil Vasby Bruarøy)
Innbytarar med speletid: Johannes Jordal, Magnus Sandvåg og Øyvind Olsen