Video frå Os - Lysekloster

Bildeserie:

1 av 5

Os hamna under 0-1, kom ovanpå til 3-1, men måtte nøya seg med å dela poenga med gjestane i dagens derby på Kuventræ.

– Eg føler at vi hadde kontroll i 70 minutt, men blei for slappe etter at vi gjekk opp i 3-1-leiing. Vi bar også preg av ei tung kampveke, og nokre småskadar rett før kamp, spesielt på midtbanen, seier Os-trenar Jørn Vegard Berge.

SJÅ VIDEO NEDST I ARTIKKELEN

– Det hadde ikkje noko å seia at dei la seg bakpå i starten, vi skapte mykje likevel.

Stian Lunde hadde blant anna skot i tverrliggar og ned på (innanfor?) strek og Lysekloster-keeper Chris Sunde Midthun slengte seg feil veg, men redda skot av Vestbø med beina.

– Men sånn kampen utvikla seg mot slutten så var vi heldige som ikkje tapte. Lysekloster var sterke som kom tilbake på den måten og lykkast med omlegginga med meir styrke på topp.

Lysekloster-trenar Torbjørn Birkelund er nøgd med at spelarane lykkast med det same dei la om til meir offensiv stil.

– Då sto også spelarar som Kim Kleivedalen, Tore Valvik og Preben Skorpen skikkeleg fram. No har vi tatt fire poeng på to tøffe kampar i seriestarten, så dette lover bra.

Os - Lysekloster 3-3 (2-1)
Målskårarar: 0-1 Knut Eide (12.), 1-1 Roar Vestbø (31.), 2-1 Emilis Zilinskas (32.), 3-1 Mats Cato Moldskred (67.), 3-2 Preben Skorpen (76. og 90.)
Gule kort: Børge Borgen 2 (Os), Ørjan Glesnes (Os), Simen Birkelund, Tore Valvik, Preben Skorpen og Preben Borgen. Børge Borgen fekk sitt andre gule kort du det oppsto noko knuffing mellom han fetteren Preben Borgen etter 3-3-skåringa på overtid. Preben fekk sitt gule kort i same episode.

Os: Frode Moberg Øvredal – Torkel Hjertnes, Børge Borgen, Emilis Zilinskas, Glenn Krossøy – Håkon Fagerbakke Kvittingen (Mats Lepsøe frå 80.), Stian Lunde (Adrian K. Valle frå 87.), Erik Kanestrøm – Roar Vestbø, Mats Cato Moldskred og Christer B. Olsen (Ørjan Glesnes frå 51.)

Lysekloster: Chris Sunde Midtun – Baste Jonassen (Joakim Hjelmeland frå 25.), Preben Skorpen, Knut Eriksen Eide, Aleksander Andersen (Øyvind Olsen frå 68.) – Simen Birkelund (Ramo Racic frå 40.), Johannes Jordal, Tore Valvik – Preben Borgen, Lars Henrik Skage og Kim Steffen Gudvangen Kleivedalen.

Både Os og Lysekloster kan venta seg tøff motstand også i neste runde. Os speler borte mot Lyngbø, som var nær på å slå Nest-Sotra ut av cupen, Lysekloster tar imot Varegg, som spelte 2-3 mot Brann i NM.

Sjå tabell, 3. div. avd. 7.

VIDEO: Sjå skåringane og nokre av sjansane, drygt 7 minutt av kampen. (Foto: Andris Hamre, midtsiden.no)