Lokal | 08. juli 2018

Vil bygga gapahuk ved Langavatnet

Slik blir utsikten frå gapahuken Os Turlag vil byggje ved Langavatnet i Lysefjorden.

Vil bygga gapahuk ved Langavatnet
Her vil Os Turlag byggje ein gapahuk etter modell frå gapahuken ved Knutabruo (foto: Andris Hamre)
Andris Hamresøndag 08. juli 2018 07:31

Bildeserie:

Turlaget har fått avtale med grunneigaren
Turlaget har fått avtale med grunneigaren
Langavatnet er eit fint utgangspunkt for fleire turer (foto: Andris Hamre)
Langavatnet er eit fint utgangspunkt for fleire turer (foto: Andris Hamre)
1 av 2
Turlaget har fått avtale med grunneigaren
Langavatnet er eit fint utgangspunkt for fleire turer (foto: Andris Hamre)

Tidlegare denne månaden sendte Os Turlag inn byggjesøknad på ein gapahuk ved Langavatnet i Lysefjorden.

– Vi har fått avtale med grunneigar og har no sendt søknad til kommunen, fortel Arvid Øvreeide, leiar i Os Turlag.

Godt utgangspunkt for tur

Bakgrunnen for ønskje om å byggje ein gapahuk ved Langavatnet er eit behov turboklubben til Os turlag har for ein base for aktiviteten deira.

– Ved Langavatnet vil dei få eit flott utgangspunkt for aktivitet. Vatnet er eit godt vatn å padla i. Vi har tilgang til ein båt som vi vil legga i vatnet. På vinteren blir vatnet brukt til skøyter når det er forhold for det, så det blir ein gapahuk som kan nyttast heile året.

– I tillegg vil det vera eit godt utgangspunkt for turer til dømes mot Askvika, Gjelafuruo og Tyskarhytta, seier Øvreeide.

Må søkje vegvesenet

Øvreeide har fått positive signal på søknaden frå kommunen, men må søkje Statens Vegvesen om løyve til av- og påkøyring til fylkesvegen.

– I avtalen med grunneigar har vi også fått lov til å oppgradere ein parkeringsplass langs fylkesvegen mot Drange. Før vi kan gå i gang med både gapahuken og parkeringsplassen, så må vi få løyve frå vegvesenet. No er eg på hytta denne veka, men regner med å få sendt den inn i løpet av neste veke.

Teikna på dugnad

Planen for korleis gapahuken skal sjå ut og byggjast er allereie klare.

– Jan Haaland har teikna den på dugnad for oss. Han teikna jo også gapahuken ved Knutabruo og har nytta den som modell.

– Vi har vore i kontakt med Os vidaregåande om å prefabrikere den for oss, men har ikkje gjort ei endeleg avtale enno. I tillegg blir det sjølvsagt ein god del dugnad på oss i turlaget og Turboklubben. Gapahuken vil vi sette på søyler slik at vi ikkje treng grava ut terrenget. Den vil bli med gulv og ein liten terrasse framfor, avsluttar Øvreeide.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.