Lokal | 06. sep. 2019

Vil knyta bygdene saman med båt og buss

Lesarinnlegg: Lanserer to idear til framtidig samferdsel på og rundt fjorden.

Vil knyta bygdene saman med båt og buss
Bjørnafjorden Senterparti vil ha buss på bestilling og miljøvenleg passasjerferje frå bygd til bygd i Bjørnafjorden. (Ill.: Fjellstrand)
Kjetil Vasby Bruarøy
Kjetil Vasby Bruarøyfredag 06. sep. 2019 07:51

Samferdsel er viktig for Bjørnafjorden Senterparti. God samferdsle knytt oss saman, ung som gamal.

Difor lanserer Senterpartiet to spenstige forslag som me vil arbeide for:

Bygdabano på Bjørnafjorden

Kva med ein batteridriven hurtigbåt som knytt saman bygdene i Bjørnafjorden?

Vår 8. kandidat, Helge Andersen, har utforska ideen. Han er kaptein i Noregs største hurtigbåt reiarlag NORLED. I samband med samanslåinga av Os og Fusa vil han gjere noko med den stadvis dårlege infrastrukturen, slik at folk vil busetje seg i heile Bjørnafjorden kommune.

I Rogaland skal fylkeskommune bidra med å delfinansiere ein batteri dreven hurtigbåt i regi av EUs forskingsprogram Horisont2020. Eit prosjekt som skal revolusjonere norsk produksjon av null utslepp-farty. Etter planen skal båten ha plass til 150 passasjerar og 20 syklar, ha ein fart på 23 knop og gå i rutetrafikk mellom Stavanger og Hommersåk i løpet av 2021.

Båten skal byggjast i våre lokale trakter på Fjellstrand i Omastrand.

Bjørnafjorden Senterparti har snakka med Olav Bru hjå Fjellstrand AS. I arbeidet med hurtigbåten til Rogaland brukar dei ein ny moduler produksjonsmetode som bidreg til 25 % lågare produksjonskostnad og 70 % lågare utviklingskostnad. Fjellstrand har allereie god erfaring med utvikling av elektriske ferjer, og tek batteriteknologien frå desse inn i hurtigbåt marknaden.

Han seier dei utan store problem kan byggje ein liknande hurtigbåt som passar til Bjørnafjorden. Fordelen med Bjørnafjorden er at her er forhaldsvis korte distansar mellom bygdene, noko som gjer fjorden vår ideell til ein batteridriven hurtigbåt i størrelses omfang 100 passasjerar.

Kysten har alltid knytt bygdene våre saman. Det er på tide me tek opp den gamle tradisjonen med Fjordbussen, denne gongen i ein hurtig og miljøvenleg variant.

Buss ved behov

Også i Rogaland, nærare bestemt Sauda, har ein innført eit nytt konsept der ein kan bestille buss heim til «døra». I Sauda, som store deler av nye Bjørnafjorden kommune, har det vore få passasjerar per avgang på mange bussruter. Dei har lansert ein heilt nye måte å tenkje kollektivtrafikk på som dei har kalla HentMeg.

Når du bestiller buss i HentMeg får du melding om avtalt tid for avgang. Tida varierer inn forbi eit slingringsmon, justert etter kor mange andre som også bestiller buss innan eit definert tidsrom. Slik at flest mogleg blir teke med på same buss. Så blir du frakta dit du bad om i bestillinga, sjølvsagt inn forbi visse grenser og i korrespondanse med ordinere ruter. Og dette til ordinær busspris.

I staden for å køyre statiske bussruter nesten utan passasjerar, vil det vera meir økonomisk å tilby eit meir individualisert transport tilbod. Bjørnafjorden Senterparti har tru på at eit slikt konsept kan fungere i ytre deler av den nye kommunen. Der er det behov for kollektivtilbod, men eit varierande kundegrunnlag.

For Bjørnafjorden senterparti;
Mikal Leigland, 2. kandidat
Herborg Nordtveit, 3. kandidat
Peter-Hans de Zwarte, 7. kandidat
Helge Andersen, 8. kandidat

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.