Vil opna for bubil

I samband med lett ombygging av den nye vegkroa på Røykenes i vinter har det vore utviding av parkeringsplassen ved restauranten.

– For det første har vi behov for utvida plass, for det andre ønskjer vi å legga til rette for bubilcamp ved vatnet, avslører Linda Andersen og dottera Hanne Catrine.

Attraktiv overnattingsstad

Frå før har familien Andersen to campinghytter ved vatnet.

– Desse har vi hatt fullt belegg på i mange år. Frå september til mai har dei vore leigd ut til firma, frå mai til august til turistar.

– Det er truleg grunnlag for ti sånne hytter, dei har vore veldig populære.

Plass til 8-10 bubilar

Bubilturistar har for lengst sett seg ut Røykenes som ein fin plass å stoppa.

– Men parkeringsplassen vår har ikkje vore meint for denne typen bruk, verkstaden over gata, kanoutleigen og våre eigne restaurantgjestar bruker plassen.

– Med ny bubilplass får vi plass til 8-10 bilar, og vi får det inn i ordna former, med meir idyll til gjestane endå nærmare vatnet.

Mangelvare på Vestlandet

Familien Andersen vil no søkja om å få en tømmestasjon på tomta dei kjøpte for nokre år sidan, der det no er bygd ny parkeringsplass.

Dei vil også legga fram straum til bubilplassen.

– Camping og bubil er i vekst og vi har ofte innom denne typen turistar på jakt etter ein plass å stå.

– Dette er mangelvare på Vestlandet så vi håper å få den nye bubilcampen klar til juni.

Heile året

Linda seier ho også vil ha glede av utvida plass utanom turistsesongen.

– Besøket ved restuaranten har auka mykje og treng meir parkering.

– I tillegg har gubbane over vegen bruk for meir plass, seier Linda, og siktar sin mannen sin verkstad og svogeren min sin bensinstasjon, som også driv med kanoutleige.