Vil på Vårslepp

Bildeserie:

1 av 4

Lindstrøms Tivoli er delvis under tak i Bergen i påsken, sidan palmehelga har dei vore på plass i og rundt Arenum.

- Vi har hatt svært godt besøk og blir verande ei god veke til. Vi kjem også tilbake til Arenum rundt 17. maihelga, fortel Ola Lindstrøm.

Vil på Vårslepp
Men før dei skal tilbake til Bergen blir det tivoli både i Stavanger, på Stord og i Os.

- Først reiser vi sørover, så siktar vi oss inn på Os rundt Vårsleppet laurdag 8. mai. Vi er nok på plass torsdag 6. mai.

Nye apparat
I og rundt Arenum i Solheimsviken har Lindstrøms god plass, og fleire av installasjonane har ikkje vore med til Os før.

Blant desse er ein "saltokarusell" og ein dam med "marsvinhjul" for ungar.

- Vi prøver å fornya oss litt frå år til år. Kva vi tar med til Os er litt tidleg å seia, fortel Ola.