- Vil sjekka han nærmare

Midtsiden skreiv tidlegare i veka om ein mann som ved fleire tilfelle i haust og i romjula har plaga kvinner med å kika inn vindauga deira og på forskjelleg vis teke kontakt med dei.

Les og: - Ta av deg dyno, då

Fredag ettermiddag pågreip politiet ein mann i 40-åra mistenkt for å vera kikaren.

- I samband med drapsetterforskinga har vi gått breitt ut og fulgt opp dei tipsa vi har fått inn.

- Nokre av tipsa har vore knytt opp til den såkalla "kikar"-saka som har vore under eigen etterforsking.

- Vi fekk etterkvart eit såpass klart bilete av kven dette kunne vera at vi kunne gå til ei pågriping, fortel politiadvokat Ørjan Ogne.

Ikkje sikta i drapssaken

Mannen er sikta etter straffelovens § 390 A - "Den som ved skremmende eller plagsom opptreden eller annen hensynsløs atferd krenker en annens fred eller som medvirker hertil".

- Er mannen også formelt sikta i drapssaken slik som ein 42-år gamal mann var tidlegere i veka?

- No skal vi først avhøyre mannen i høve til kikinga.

Politet ønskjer mellomanna å avdekke mannens bevegelsar den siste til og kor kikinga eventuelt skal ha gått føre seg.

- Vi håper det vil kunne gjera at vi får sjekka han ut eller inn av drapssaken.

- For at han skal bli formelt sikta i drapssaken må vi i såfall sjekka han inn i den saken, forklarar politiadvokaten for Midtsiden.

Mannen som var formelt sikta i drapssaken tidlegare i veka er sjekka ut av saken og siktelsen mot han frafalt.

Vil ikkje kommentera

Sidan pågripinga nyleg har skjedd er politiadvokaten forsiktig med detaljane.

- Er det ein osing de har pågripe?

- Eg ønskjer ikkje å gå inn på kor han kjem frå eller kor han blei gripen, avsluttar politiadvokat Ørjan Ogne.