Lokal | 30. jan. 2015

– Vil skapa noko fint

Kyrkjelyden med skapardagar i juni. – Ikkje alle spelar handball eller fotball, difor vil vi gje eit tilbod rett etter skuleslutt.

– Vil skapa noko fint
Det blir liv og løye når Hege Varhaug-Lekven, Hallgeir Bjørnevik og Vidar Bratlund-Mæland inviterar til skapingsdagane i juni (foto: Andris Hamre)
Andris Hamrefredag 30. jan. 2015 09:12

Før jul fortalde kyrkjelyden at dei har laga eit omfattande trusopplæringsprogram kor dei vil følgje born med forskjellige aktivitetar frå år til år.

– Vi har fleire ting på gong, men den største aktiviteten i vår blir nok skapingsdagane 24.-26. juni.

– Då inviterer vi sju og åtte åringane til å vera med å skapa kunst, fortel Hege Varhaug-Lekven, trosopplæringsmedarbeidar i Os kyrkjelyd.

Tek heile kyrkjelydshuset i bruk

På programmet står måling, trearbeid, keramikk, foto og hobbyverkstad med ymse aktivieter. Alt under kyndig veileiing.

– Vi tek heile kyrkjelydshuset i bruk og er utruleg glade for at vi har fått med oss kapasiteter som Vidar Bratlund-Mæland, Hallgeir Bjørnevik og Knut-Inge Johnsen på kvar sine områder.

– Inspirert av skapingshistoria i det gamle testamentet skal ungane få utfalda seg som kunstnarar.

– Det heile kjem til å bli avslutta med ei utstilling siste helga før skulen startar i august kor vi tek i bruk både kyrkjelydshuset og kyrkja, forklarar Varhaug-Lekven.

– Inspirerande

Vidar Bratlund-Mæland og Hallgeir Bjørnevik er samstemde i kvifor dei stiller opp.

– Ikkje alle speler fotball eller handball. Difor er det viktig å ha eit anna tilbod òg.

– Dessuten er det knapt noko som er så inspirerande som å jobba med unger.

– Du veit, eg jobbar stort sett aleine i verkstaden, så det å koma ei eit felleskap som dette og få "lufta vetet" er berre kjekt.

– I tillegg får eg med meg ein bonus i form av masse nye idear frå ungane, seier Bratlund-Mæland.

Ope for alle

Dei som er døpt vil få invitasjon direkte i posten, men arrangørane presiserar at tilbodet er ope for alle, også dei som ikkje er medlemmar i kyrkja.

– Det blir ein liten deltakingsavgift, men vi vil sørja for at den ikkje skal ekskludera nokon.

– Går det som vi håpar som blir det 80 ungar og mange vaksne som er med desse dagane.

– Vi skal ha ei høg vaksentettheit og sjølvsagt òg legga opp til at ungane skal få utfolda seg fysisk ute på kyrkjeflaten, seier Varhaug-Lekven.

Førsteklasses samling

I tillegg til skapingsdagane har kyrkja fleire aktivitetar på programmet.

– Allereie no før vinterferien startar vi opp samlingar for førsteklassingane.

– Dei vil gå over fem onsdagar kor vi jobbar med historiane i 6-årsboka som ungane fekk utdelt i kyrkja tidlegare i år.

– Det blir òg hobbyaktivetar og kveldsmat på samlingane, avsluttar Varhaug-Lekven.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.