Sport | 19. nov. 2015

Vil visa den nye salongen

Os Biljard & Snookerklubb har fått fire nye bord frå Kina og skal arrangera NM i 2016. No inviterer dei til ope hus.

Vil visa den nye salongen
F.v.: Reidar Rundsveen, Trond Eeg Nielsen, Frode Vikebø og Kjell Henriksen i det nye lokalet til Os Biljard & Snookerklubb, som klubben snart skiftar namn til. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 19. nov. 2015 18:02

Bildeserie:

Klubben har fire nye snookerbord og fire nyoverhalte biljardbord. (Foto: KVB)
Klubben har fire nye snookerbord og fire nyoverhalte biljardbord. (Foto: KVB)
To av borda står i 2. etasje. Her speler Robert Brade mot Hans Olav Sundøy. (Foto: KVB)
To av borda står i 2. etasje. Her speler Robert Brade mot Hans Olav Sundøy. (Foto: KVB)
Sundøy i kiosken. (Foto: KVB)
Sundøy i kiosken. (Foto: KVB)
Skiltet med det nye namnet til klubben er klart for montering. (Foto: KVB)
Skiltet med det nye namnet til klubben er klart for montering. (Foto: KVB)
1 av 4
Klubben har fire nye snookerbord og fire nyoverhalte biljardbord. (Foto: KVB)
To av borda står i 2. etasje. Her speler Robert Brade mot Hans Olav Sundøy. (Foto: KVB)
Sundøy i kiosken. (Foto: KVB)
Skiltet med det nye namnet til klubben er klart for montering. (Foto: KVB)

Etter omfattande dugnadsinnsats på seinsommaren var Os Biljardklubb i slutten av september klare for spel på to biljardbord og eitt snookerbord.

No er det nye 300 kvadratmeter store klubblokalet bak Ulvenparken ved Svegatjørn ferdig innreia med fire heilt nye snookerbord og fire nyoverhalte biljardbord.

– Vi har spelt sidan dei første borda var på plass, nokre av oss eit par gongar i veka, andre har spelt kvar einaste dag, seier Reidar Rundsveen.

– Førebels er det dei mest aktive som har vore i sving, det er først no, når vi endeleg har fått alle borda å plass, at vi går ut og skremmer liv i gamle og komande medlemmar.

Ope hus med instruksjon

Medlemmane får koden til låsen og kan spela kor tid dei vil. Andre kan koman innom og håpa at det er folk der, noko det tydelegvis ofte er, for så å betala for ein enkelt kveld. Pay and play, som det heiter på nynorsk.

– For å få vist salongen til dei som har vore vekke frå biljard og snooker ei stund så inviterer vi til ope hus med gratis speling og gratis kaffi laurdag frå 11 til 17.

– Vi kan ikkje lova kake, men vi skal prøva. Det blir fleire erfarne medlemmar på plass som kan ta imot og instruera dei som ønskjer ei innføring i spelet, eller å bli hakket kvassare.

Arrangerer to NM og tre noregscupar (!) neste år

Trond Eeg Nielsen frå Hop og Frode Vikebø frå Laksevåg er blant dei som reiser frå nabokommunen til Os for å spela snooker.

– I Bergen er det berre eitt snookerbord, og det er ikkje i nærleiken av same kvalitet som det dei no har fått på Os, seier Vikebø.

– I tillegg kjem vi opp her for det gode miljøet, legg han til.

Os Biljardklubb, landets eldste klubb, er i ferd med å skifta namn til Os Biljard & Snookerklubb. Neste år blir dei sentral på fleire vis.

– To av tre NM i snooker, lag-NM og NM i 6red, blir arrangert hos oss neste år. I tillegg skal vi arrangera tre noregscupar i biljard, fortel Rundsveen.

– Ein god stad for ungdom

Rundsveen var noregsmeister i biljard for junior og er i dag i noregstoppen i snooker.

– Eg er ikkje den einaste frå Os som har tatt NM-gull, og no ligg det til rette for auka rekruttering, seier han.

Kameraten frå Laksevåg har tru på at Os no kan fostra noregsmeistrar i biljard og snooker.

– For det første har dei allereie kompetansen og miljøet. No har dei også fått utstyret, og ein klubb utan alkohol. Dette blir ein trygg og god plass også for dei unge, der det alltid er vaksne på plass og folk ungdomen kan læra av, seier Vikebø.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.