Vindfull «Os Rundt»

Bildeserie:

1 av 11

Laurdag 1. mai arrangerte CK Henie det tradisjonsrike vår-rittet «Os Rundt» for 31. gongen. 166 syklistar frå heile Hordaland stilte til start på runden som gjekk frå Os gymnas, via Mobergsbakkane om Nore Neset og Ulven til Lysefjorden. Derfrå venta ei tøff køyring over Fanafjellet, ut Hamrevegen og tilbake til Os.

Sjå òg: Ivrige syklistar

Heile strekket fram til Hamrevegen var prega av motvind, før medvinden gav god fart langs E39 tilbake til Os. Ifølgje rapportane låg syklistane her i ein fart på omlag 50 km/t.

Håpa på ny rekord
Arrangørane i målområdet var spente på om rytterane skulle klara å setja ny løyperekord med medvind den siste beten inn mot Os, men den same vinden hadde gjeve syklistane for mykje motstand i byrjinga av løpet.

Med det blir løyperekorden til Øystein Blom-Olsen på 1.02.16 frå 2008 ståande ved lag.

Dramatikk i siste svingen
Ei gruppe på 13 ryttarar kom samstundes inn mot Os og inn Gymnasvegen. Det var med nød og neppe at ikkje nokon hamna i grøfta på grunn av den høge farten. Gruppa blei klokka inn på 1.05.09 på den 41 kilometer lange runden.

Utanom denna episoden gjekk rittet knirkefritt. Riktignok var det ein av rytterane som fekk haik med føljebilen på grunn av ei punktering, men det var òg alt.

Ingen lokale vinnarar
Dessverre blei det ikkje siger på nokon av dei lokale rytterane frå arrangørklubben.

Nærmast var Tore Sædal i klassen 45–49, han kom inn på andreplass berre 30 sekund bak vinnaren.

Klassevinnarane:
Menn 17 – 19: Christoffer Jacobsen, Åsane CK, 01:06:21
Damer 20 – 24: Patricia Viviana Flataker, Bergen CK, 01:49:50
Menn 20 – 24: Ørjan Nordtveit, Fana IL, 01:05:09
Damer 25 – 29: Vita Petersone, Bergen CK, 01:24:11
Menn 25 – 29: Thomas Solheim, Bergen CK, 01:05:09
Damer 30 – 39: Elin Steinsbø Fylkesnes, Team Alfa/Bømlo SK, 01:06:21
Menn 30 – 39: Johnny Gjerald, Vossvangen CK, 01:05:09
Damer 40 – 44: Maja Von der Ohe, Bergen CK, 01:24:16
Menn 40 – 44: Bjarte Vethe, Team Merida/CK Victoria, 01:05:09
Menn 45 – 49: Ove Matland, Bergen CK, 01:05:09
Menn 50 – 54: Frank Aadland, Åsane CK, 01:07:39
Menn 55 – 59: Reidar Fjeld, Bergen CK, 01:14:54
Menn 60 – 64: Nils Een, Vossvangen CK, 01:08:57
Menn 65 – 69: Rolf Johannessen, Bergen CK, 01:15:15

Heile resultatlista finn du her.