Kultur | 16. des. 2010

«Vise seg fram-dagen»

22. januar blir den store «Vise seg fram-dagen» i Fjellheim med UKM og audition til Havfest.

«Vise seg fram-dagen»
Andris Hamretorsdag 16. des. 2010 12:57

Ungdommens kulturmønstring (UKM) arrangerar laurdag 22. januar den lokale mønstringa i Fjellheim. Nytt i år er at dei går saman med folka bak Oseana si store opningsframsyning - Havfest - i å laga det dei kallar den store «Vise seg fram-dagen». I tillegg til mønstringa blir det nemleg audition.

- I staden for å sitte på kvar vår tue fann vi ut at det blei mykje betre om vi slo oss saman, seier Ellen Merete Lyssand frå UKM.

Landmønstring i Trondheim
UKM inviterar talent i alle sjangre frå 10 til 19 år til å delta i den lokale mønstringa. Frå den skal 20 minutters sceneopptreden sendast vidare til fylkesmønstringa i Grieghallen. Dei beste over 12 år derfra går videre til landsmønstringa i Trondheim utpå våren.

- Vi er ikkje berre på jakt etter dei som syng eller dansar. Om du driv med trylling, teater, standup eller andre formar for opptreden er du hjarteleg velkommen, fortel Lyssand.

Ikkje berre scenekunst
I tillegg til dei 20 minuttane med sceneopptreden som skal sendast vidare kan den lokale UKM-juryen senda eit fritt antall bidrag innan film, bilde og skulpturar.

- Tek du bilder, malar eller lagar anna type kunst er det berre å melde seg på, oppmodar Lyssand.

Ho fortel at dei som melder seg på ikkje treng vera kjempeflinke. Det er plass til alle.

- Om du vil ha hjelp av ein vaksen til å akkopagnere er det heilt i orden.

Påmelding må du gjera påukm.no (vel Os i Hordaland) innan 10. januar.

- Du må få med at vi i år og har med pauseunderhalding. Neoplasma som gjekk til landsfinalen for nokre år sida kjem, skyt Kjetil Grønvigh inn.

Ungdomsklubben stiller òg i Fjellheim med servering og kafé.

Talentspeidarar
Trioen Glenn Erik Haugland, Heidi Tronsmo og Lisa Nøttseter frå Havfest kjem til å vera med som talentspeidarar under UKM. Same dag som UKM går av stabelen arrangerar dei nemlig audition til Oseana si opningsframsyning.

- Vi kjem til å ta ei pause i auditionen medan UKM held på slik at interesserte kan få med seg båe deler, fortel Heidi Tronsmo.

- Om vi ser eit talent på UKM som ikkje har meldt seg på audition kjem vi nok til å spørja om dei ikkje har lyst til å komme innom oss òg, smilar Glenn Erik Haugland.

Ungdommar i alle aldre
Havfest blir ein folkeopera som grensar opp mot musical. På auditionen er dei difor på jakt etter ikkje berre dei som syng opera, men og andre sjangrar.

- Vi treng ungdom i alle aldre. Om dei er ti eller sytti spelar ingen rolle berre dei kan syngja og bevega seg på scena, seier Glenn Erik Haugland.

- Dei som trur dei ikkje har noko der å gjera har så absolutt det, supplerar Tronsmo.

Medan UKM startar kl 17.00 startar Havfest opp allereie kl 10.00 på morgonen.

- Vi kjem ikkje til å satsa på ein Havfest-kø etter Idol-modellen, men i staden dele dei som melder seg på opp i grupper, forklarar Tronsmo.

Må syngja norsk
Sidan Havfest er ei framsyning på norsk må dei som skal delta framføra ein sang med norsk tekst.

- Dei bør òg vera førebudd på å måtte bevega seg. Vi vil sjå etter dei som har både sangtalent og scenetekke, seier Tronsmo.

Auditionen kjem til å gå over to dagar, både laurdag og sundag.

- Om interessa blir stor så delar vi deltakarane opp over dei to dagane. Om vi rekk alle på laurdagen så kjem vi til å ta ei siling då, og la nokre komme igjen på sundagen slik at vi får eit enda betre inntrykk av dei, forklarar Tronsmo.

Har du lyst til å melda deg på auditionen til Havfest gjer du det til produsent Lisa Nøttseter på nettsidene til Opera Omnia innan 15. januar.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.