Lokal | 11. aug. 2019

Viste finger til politiet

Mann i 50-åra er meldt etter tydeleg, ufin gest. Kvinne i 50-åra ramla i sjøen og fekk pålegg om å halda seg heime etterpå.

Viste finger til politiet
Politiet fortel om ei roleg Osfest-helg, men fekk ein og annan å senda heim frå sentrumsområdet. (Ill. foto: KVB)
Kjetil Vasby Bruarøy
Kjetil Vasby Bruarøysundag 11. aug. 2019 08:04

Tre personar blei viste vekk frå Os sentrum i natt, ein av dei blir òg meldt.

Klokka var 03.58 då politiet kom køyrande og vedkomande viste langfinger mot bilen.

Å visa fingeren til politiet blir ramma av straffeloven § 326 andre ledd, «Blir straffa med bøter eller fengsel i inntil 6 måneder den som forulemper under utførelse av tjeneste ved skjellord eller annen fornærmende adferd».

– Det skal ha vore ei tydeleg handling, der han heldt fingeren i fleire sekund retta mot bilen, opplyser vakthavande ved Os lensmannskontor.

Mannen, som er i 50-åra, blir meldt. Han blei òg vist vekk frå Os sentrum, eit pålegg han retta seg etter.

Dei to andre som blei viste vekk frå sentrum i natt var ein godt skjenkt mann i 20-åra (kl 02.36) og ein mann i 30-åra, som hadde vore kranglete med nokre vaktar (kl 04.14).

Kvinne ramla i sjøen - fekk pålegg om å halda seg heime

Også natt til laurdag var det ein og annan som bomma på formen.

Ein full kar som ikkje fekk koma inn på Osfest på fredagskvelden, og som nekta å retta seg etter på legg frå politiet, blei køyrd i arresten.

Litt før klokka 3 på natta ramla ei kvinne på sjøen ved gjestebrygga. Ho kom seg på land og blei kontrollert av helsepersonell på staden, så blei ho køyrd heim med pålegg om å halda seg heime resten av natta.

Klokka 03.22 blei ein mann i 20-åra vist vekk. Han prøvde å hjelpa ein kamerat over festivalgjerdet (etter at festivalen var stengt), og skal ha framstått som aggressiv og full.

Litt over klokka 4 natt til søndag fekk politiet klage på støy frå fest i ein båt i Os hamn. Dei fekk pålegg om å dempa seg og retta seg etter dette.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.