Viste fram kniv og stoff på bussen

Måndag i 17-tida fekk politiet melding om ein mann som viste fram både ein kniv og noko som såg ut som narkotika på buss på veg til Os sentrum.

– Det var ikkje i samband med ein krangel, eller noko dramatikk om bord, understreker politioverbetjent Atle Birkeland.

Politiet rykte ut og kontrollerte mannen, som er rundt 40 år.

– Han er meldt for å gå med kniv utan aktverdig formål, og for å ha på seg mindre mengder av narkotika.

Vedkomande skal ikkje ha framstått som rusa.