Sport | 16. des. 2019

Viste styrke i Sogn

Os reiste heim med ein god siger og eit bittert tap i bagasjen.

Viste styrke i Sogn
Heime vann Os 20-17, borte mot Florø skåra Stine Eide 9 mål, men sigeren glapp på tampen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymåndag 16. des. 2019 09:56

Damelaget til Os har i helga spelt bortekamp mot Sogndal og Florø.

Laurdag vann dei 27-30 over Sogndal, søndag tapte dei 30-27 for Florø etter å ha leia med 7 mål då det sto 10 minutt igjen.

– Det er litt vanskeleg å setja fingeren på kvifor det rakna på slutten, men mange av jentene var tomme for krefter etter kamp laurdag og 50 tøffe minutt søndag. I tillegg klarte Florø å uroa det elles svært gode angrepsspelet vårt, seier trenar Trond Budal.

– Men det er godt gjort å leia ein heil kamp mot Florø, som har kome seg veldig utover hausten, og som tapte med berre to mål for Fyllingen.

18 mål av Stine

Stine Eide skåra 9 mål i begge kampane, Anna Mjånes skåra 6 mål laurdag, Malene skåra 6 mål søndag.

Keeper Julie blei skadd 13 minutt ut i kampen laurdag og måtte til legevakt med noko som truleg er skade i minisken. Men Budal hadde tre keeperar med seg.

Sogndal - Os 27-30 (15-18)
Os: Julie Hjertholm Lindborg, Amalie Evensen, Stine Eide 9 (8+1 straffe), Anna Martine Særvold Mjånes 6, Charlotte Pettersen 6, Elin Moberg Rosland 2, Dina Søvik Midthun 2, Mia Jansen Paulsberg 2, Sofie Evensen 1, Regine Sten 1, Malene Massi Fagerthun 1, Silje-Marie Ognøy, Ayleen Aküyz Hagen og Lena Nåmdal.

Florø - Os 30-27 (11-16)
Os: Maia Emilie Heimtun Skudal, Amalie Evensen, Stine Eide 9 (8+1 straffe), Malene Massi Fagerthun 6, Anna Martine Særvold Mjånes 2, Charlotte Pettersen 2, Ayleen Aküyz Hagen 2 (1+1), Elin Moberg Rosland 2 (0+2), Dina Søvik Midthun 2, Sofie Evensen 1, Regine Sten 1, Mia Jansen Paulsberg, Silje-Marie Ognøy og Lena Nåmdal.

Haustens sterkaste kamp gjekk mot Bjørnar

Budal synest den unge, nye troppen har tatt store steg i haust.

– Samla sett har gruppa svært lite seniorerfaring, men har klart seg greit og har utvikla seg ganske mykje. Spesielt i angrep har vi kome langt.

Jentene skal ha vore svært skuffa etter tapet for Florø i går. Ein annan oppløftande prestasjon, men noko skuffande poengtap, var borte mot Bjørnar 1. desember.

– Bjørnar var serieleiar då vi reiste ut der, men vi hadde dei i kne og leia med 3 mål då det sto 4 minutt igjen. Det enda uavgjort (24-24), men dette er det beste eg har sett av jentene til no.

På heimebane over nyttår

Os tar juleferie på 9. plass av 12 lag.

Første kamp i 2020 går på heimebane mot Kjøkkelvik tysdag 7. januar.

Terminliste og tabell på handball.no

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.