Sport | 20. aug. 2019

VM døds: Prøvde på noko ingen har gjort før

Ulempa for Arne Veim Haugland var at han ikkje hadde prøvd det før han heller.

VM døds: Prøvde på noko ingen har gjort før
Arne Veim Haugland tok seg til finalen i år igjen. Der satsa han litt for hardt for å koma på pallen. (Foto: Christina Forstrønen Bruarøy)
Kjetil Vasby Bruarøy
Kjetil Vasby Bruarøytysdag 20. aug. 2019 08:06

Bildeserie:

Arne hausar opp stemninga. Det var bra med publikum trass det dårlege vêret. (Foto: Christina Forstrønen Bruarøy)
Arne hausar opp stemninga. Det var bra med publikum trass det dårlege vêret. (Foto: Christina Forstrønen Bruarøy)
Arne i lufta. (Foto: Christina Forstrønen Bruarøy)
Arne i lufta. (Foto: Christina Forstrønen Bruarøy)
Døds går frå 10-meteren, og det skal sjå ut som om det går gale. (Foto: Christina Forstrønen Bruarøy)
Døds går frå 10-meteren, og det skal sjå ut som om det går gale. (Foto: Christina Forstrønen Bruarøy)
VM Døds 2019. (Foto: Christina Forstrønen Bruarøy)
VM Døds 2019. (Foto: Christina Forstrønen Bruarøy)
VM Døds 2019. (Foto: Christina Forstrønen Bruarøy)
VM Døds 2019. (Foto: Christina Forstrønen Bruarøy)
VM Døds 2019. (Foto: Christina Forstrønen Bruarøy)
VM Døds 2019. (Foto: Christina Forstrønen Bruarøy)
VM Døds 2019. (Foto: Christina Forstrønen Bruarøy)
VM Døds 2019. (Foto: Christina Forstrønen Bruarøy)
Vinnar Miriam Hamberg. (Foto: Christina Forstrønen Bruarøy)
Vinnar Miriam Hamberg. (Foto: Christina Forstrønen Bruarøy)
Arne satsa alt i finalen, men missa litt og landa på 10. plass. (Foto: Christina Forstrønen Bruarøy)
Arne satsa alt i finalen, men missa litt og landa på 10. plass. (Foto: Christina Forstrønen Bruarøy)
1 av 9

Laurdag blei årets VM i døds arrangert i Frognerbadet. Sjølv om Os har fått fleire dødsarar, var det berre veteran Arne Veim Haugland frå vår bygd som stilte i VM.

• Sjå òg: Dødsbra debut på Tysnes

Han har deltatt kvart år sidan debuten i 2013, og har 2. plass som beste og 12. plass som dårlegaste resultat.

– Det var mange som prøvde seg i år, heile 140 var påmeldt til kvalifiseringa fredag, fortel Arne.

Sjølv var han blant dei 14 førehandskvalifiserte. At han var blant 10 finalistar i fjor, og at han vann Bergen Døds Challange, gjorde at han kunne vera tilskodar under den lange kvalifiseringa fredag.

Dei 140 påmeldte kjempa om dei siste 16 plassane i VM dagen etter.

– Den nest beste plasseringa

Laurdag var det klassisk, fristil og finale. TV 2 Sumo sendte direkte frå VM. I ruta under kan du sjå opptak, med døds av Arne etter 1.05 og 1.50.

(Artikkelen held fram under videoen)

– Eg er nøgd med å koma til finalen igjen, men blant topp 10 så føler eg 10. plass er bedre enn 2. plass. Eg gjekk for gull og prøvde noko eg ikkje har sett nokon gjera før, forklarer Arne.

Han ville ta ein molberger for så å gå over i ein 360.

– Det er fleire som tar dei i eitt, men eg ville ta først den eine, så den andre.

Men Arne klarte ikkje å stoppa rotasjonen etter molbergeren, så mens han tok 360 vrei kroppen seg vidare så han landa med beina først. Dermed blei det 10. plass av ti finalistar.

– Eg angra ikkje på at eg prøvde. Hadde eg fått det til kunne eg nok ha kome meg på pallen.

Kim-André Knutsen frå Bergen vann VM, tidlegare verdsmeister Truls Torp kom på 2. plass. Svenske Miriam Hamberg, som òg vann Døds Challange på Tysnesfest i juli, forsvarte tittelen i kvinneklassen.

– Det blir nok endå fleire gode deltakarar under Døds Challange på Tysnesfest neste år. Den var veldig vellykka, og folk prater om det enno, seier Arne.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.