VM i putting og lynkurs for ungdom

Bjørnefjorden Golfklubb fekk på laurdag besøk av heile 60 golfarar som deltok på vestlandsmeisterskapen i putting.

– Under varierande speleforhold, med både vind og småregn, vart det ei fin og spennande turnering, seier dagleg leiar Bjarte Wiberg.

Til slutt var det Alexander Heggland (par i A-klassen) og Nils Kristian Lygre (5 over par i B-klassen) som stakk avmed kvar sin siger.

Sigeren var med eitt fattig slag for begge to, framfor Magnus Engevik i A-klassen og Einar Gudmund Engelsen i B-klassen.

Her er premievinnarane:

A-KLASSEN
1. Alexander Heggland - Par
2. Magnus Engevik - +1
3. Anders Grasdal - +3
4. Bergt Tore Olsen - +4

B-KLASSEN:
1. Nils Kristian Lygre - +5
2. Einar G. Engelsen - +6
3. Marianne Rød - +6
4. Rolf Olsen - +7

Gratis lynkurs for dei unge

Komande fredag blir det arrangert lynkurs for alle mellom 16 og 25 år.

– Dette er eit gratis arrangement kor deltakarane får moglegheit til å bli kursa av klubben sine pro-spelarar, og sjølvsagt fleire andre erfarne spelarar.

– Det er mange unge som nyttar drivingrangen vår, og nokre låner også køller av klubben når dei er her.

– Desse har vi lyst til å hjelpa i gang med golfspelet, og formidla informasjon om kor rimeleg og gunstig det er å spela golf. Kurset vil sjølvsagt også ta for seg det å spela golf på bane, forklarar Bjarte Wiberg.