Vurderer å stenga Sigurdsvika

Politiet anslår at det var over 200 russ i Sigurdsvika natt til laurdag. – Dette er for stor samling av feststemte til ikkje å vera organisert, seier politiet.

Sigurdsvika ved Ulvenvatnet er ofte samlingsplass for russ, men no byrjar dei å bli så mange, utan noko organisert opplegg, at politiet vurderer å stenga av. (Arkivfoto: KVB)
Kjetil Vasby Bruarøy
Kjetil Vasby Bruarøylørdag 11. mai 2013 16:43

Både natt til Kristi himmelfartsdag og natt til laurdag var russ samla i Sigurdsvika.

Litt bråk har det vore, ein slåstkamp som involverte fleire personar, og som resulterte i noko naseblod, eit innbrot i ein minibuss ved Os vgs, utan at dette direkte kan knyttast til russ, og ein russ frå Tertnes som blei funnen sovande i eit busskur i 6-tida laurdag morgon.

– Det er ikkje bråket eller desse episodane som er det verste, men det at det kjem så mykje russ frå andre kommunar. I går var det 8 bussar og 20 bilar samla i Sigurdsvika, fortel politibetjent Rune Fimreite.

– Det betyr truleg over 200 russ, og det var etter at to patruljar hadde stått og hindra nye bussar og bilar å koma til.

Treng organisering og vakthald

Politiet er uroa for tryggleiken til russen, når dei er på fest så mange samla nede ved Ulvenvatnet, utan at det er eit organisert opplegg.

– Til no har vi ikkje sagt noko på at Osrussen samlar seg i Sigurdsvika. Men når staden skal vera samlingspunkt for russ frå nabokommunane så blir det folkemengder som krev vakthald og tryggleikstiltak.

– Vi har vore i dialog med russestyret i dag og fortalt korleis vi ser på saka. Vi vurderer å fysisk stenga av Sigurdsvika for russ, men om dei klarer å halda naborussen unna så kan det henda at vi let dei halda fram ut russetida, seier Fimreite.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.