Kan Fjellheim reddast?

Bildeserie:

1 av 3

Saka om Fjellheim starta tilbake i 2008 då kommunestyret vedtok å byggje nytt kulturhus på Mobergsneset. Ein forutsetning for det nye kulturhuset, no kjend som Oseana, var at ein skulle selgje Fjellheim og gjennom det, delfinasiera det nye kulturhuset med 10 millionar kroner.

Ny aktualitet fekk saka då kommunen starta arbeidet med reguleringsplanen for Os Vest, kor både gamle Os barnehage, den gamle brannstasjonen og Fjellheim-tomta ligg inne som utviklingsområder, mellom anna for bustad.

I desember 2013 stadfesta kommunestyret at dei framleis ville selga Fjellheim.

Hadde klagerett

Då kommunestyret i juni 2015 godkjente områdereguleringa for Os sentrum vest, klagde «Foreningen Bevar Fjellheim» på dette vedtaket. Kommunen meinte foreninga ikkje hadde klagerett, men etter fleire runder fram og tilbake i Plan- og bygningsutvalet (PBU) og hos Fylkesmannen i Hordaland blei det slått fast at foreninga har klagerett.

Denne klagen blir i dag handsama i PBU (Midtsiden kjem tilbake med eiga sak frå møtet).

Negativ innstilling

Innstillinga frå administrasjonen er negativ:

«Klagen vert ikkje tatt til følgje. PBU held oppe Os kommunestyre sitt vedtak i møtet 16.6.2015, sak 56/2015.

Saka vert sendt Fylkesmannen i Hordaland for endeleg avgjerd.»

På synfaring i Fjellheim

Før utvalet setter møtet torsdag var dei på synfaring i det gamle kulturhuset og møtte mellom anna representantar frå «Foreningen Bevar Fjellheim» og Fortidsminne foreningen i Os.

Både Byantikvaren, på vegne av kultureininga i kommune, og lokale kulturpersonlegheitar har tatt Fjellheim i forsvar.

– Sjå til verftet

Engasjementet var stort blant dei frammøtte i Fjellheim og det var nok mange som ønskja å ta ordet. Ei av dei som fekk ordet var dagleg leiar i Fortidsminneforeningen i Hordaland, Gøril Nordtvedt.

– Huset har stor verdi og kan brukast på ein annan måte enn det har vore. Sjå berre korleis dei har gjort det på Verftet kor ein har kombinert kontorer med kultursaler.

– Det same går an å gjera med Fjellheim. Det kan blir ein kulturhub med stor verdi og fleirbruk, påpeikte Nordtvedt.

Uaktuell som alternativ for kulturskuledans

Kultursjef Lisbeth Axelsen fekk spørsmål om dansesalen i første høgda i Fjellheim kunne nyttast til danseundervisning på Kulturskulen.

– Det kan den ikkje. Den er ikkje eigna i dag, blant anna må ein ha eit golv som har god nok svikt og det er for lavt under taket, svara kultursjefen.