1060 grasrotspelarar

23. mars hadde 28 lag og organisasjonar i Os registrert seg i Frivillighetsregisteret, som er eit krav for å motta Grasrotandel frå Norsk Tipping. I dag har fleire nye kome til, og både samla tal på spelarar og samla sum i støtte blitt om lag dobla.

På rundt seks veker har talet på spelarar som har registrert eit lag i Os som mottakar auka frå 583 til 1060. Samstundes har samla støtte auka frå 72.919 kroner til 159.523 kroner.

Nye og gamle klatrarar
Dei fem laga som nyleg har registrert seg er: Jadakameratane, Midthordland Fjordhestlag, Lysefjorden ungdomslag, Lysekoret og Ungdomslaget Havglimt.
Blant desse har Lysefjorden ungdomslag gjort det største spranget på lista over kven som har fått mest, og klatra heilt til 13. plass med 2263 kroner i støtte frå 20 spelarar.
Av lag vi hadde førre gong vi presenterte lista har Os & Kuventræ skulekorps gjort det største spranget, frå 20. til 12. plass, frå 285 kroner til 2696 kroner (frå 10 til 25 spelarar).

Mest inn per spelar
Om vi ser på støtte i forhold til spelarar tronar Hegglandsdalen idrettslag på topp, med heile 1716 kroner frå usle 3 spelarar. Det blir 572 kroner per spelar.
På dei neste plassane kjem Os Svømmeklubb (309,2 kroner per spelar), Søre Neset idrettslag (214,30 kroner per spelar) og Nore Neset Idrettslag (206,30 kroner per spelar).

HER ER LISTA OVER ALLE GRASROTMOTTAKARANE I OS
(Sortert etter kven som til no har fått mest i støtte samla sett)

LAG SUM SPELARAR
1. OS TURNFORENING 32584 kroner 188
2. NORE NESET IDRETTSLAG 20007 kroner 97
3. I.L. ØYGLIMT 17304 kroner 119
4. LYSEKLOSTER IDRETTSLAG 15961 kroner 83
5. SØFTELAND TURN & IDRETTSLAG 13882 kroner 136
6. SØRE NESET IDRETTSLAG 11358 kroner 53
7. OS RØDE KORS 13273 kroner 66
8. LHL OS 5284 kroner 40
9. BJØRNEFJORDEN GOLFKLUBB 3312 kroner 25
10. OS SKYTTARLAG 3145 kroner 19
11. LYSEKLOSTER SANITETSFORENING 2938 kroner 24
12. OS OG KUVENTRÆ SKULEKORPS 2669 kroner 25
13. LYSEFJORDEN UNGDOMSLAG 2263 kroner 20
14. OS REVMATIKERLAG 2121 kroner 17
15. HEGGLANDSDALEN IDRETTSLAG 1716 kroner 3
16. OS SVØMMEKLUBB 1546 kroner 5
17. OS MC & MX KLUBB 1399 kroner 16
18. LYSEFJORDEN RIDE OG KJØREKLUBB 1137 kroner 13
19. LYSEKORET 1079 kroner 12
20. OS KOBUDOKAN KARATEKLUBB 907 kroner 8
21. OS MUSIKKFORENING 858 kroner 11
22. LYSHORNET BRASS 787 kroner 11
23. OS ROKLUBB 522 kroner 9
24. UNGDOMSLAGET HAVGLIMT 521 kroner 4
25. NORE NESET SANITETSFORENING 518 kroner 7
26. OS BLANDAKOR 505 kroner 10
27. CYKLE-KLUBBEN HENIE 422 kroner 5
28. MOLDEGAARD RYTTERSPORTSKLUBB 415 roner 11
29. OS AERO KLUBB 411 kroner 8
30. OS BASKETBALLKLUBB 411 kroner 7
31. JADAKAMERATENE IL 268 kroner 8
32. LYHAUGEN VELL Ingen tal registrert
33. MIDTHORDLAND FJORDHESTLAG Ingen tal registrert