17-åring på køyretur igjen

Litt før klokka 3 natt til laurdag blei ein mindreårig bilist stoppa og meldt for køyring utan førarkort i Os sentrum.

Laurdag ettermiddag, i 17.30-tida neste dag, blei same bilist observert igjen.

– Patruljen la seg etter, men då var bilen kome frå dei, fortel politioverbetjent Anne Lyssand.

(Vi skreiv først at bilen køyrde ifrå politiet, men det skal ikkje vera tilfelle).

Patrulje søkte etter bilen, og sto på ein sideveg då den ti minutt seinare kom tilbake.

– Då blei bilen stoppa. Bilførar, ein 17 år gamal gut, er meldt. Han hadde med seg ein passasjer.

Foreldra, som har vore på reise i helga, er varsla. Bilførar kan rekna med å måtta venta ei stund etter at han har fylt 18 år før han kan ta førarkort.