Skyting | 10. aug. 2021

Amalie skaut finale mot kongar og prinsar

Ein god dag for unge Amalie Evensen.

Amalie skaut finale mot kongar og prinsar
Amalie til høgre. Her frå kvalifiseringsrunden. (Skjermbilde: NRK)
Kjetil Vasby Bruarøy
Kjetil Vasby Bruarøytirsdag 10. aug. 2021 20:26

Amalie Evensen gjekk rett i tet då ho og 24 andre skyttarar, i sjuande av tolv grupper, skaut innleiande 25 skot.

I Elverum, før første runde klokka 14 i dag. (Foto: Privat)
Les ògLS2021: Amalie Evensen gjekk rett i tet

246 heldt til finaleplass også etter at alle dei andre hadde skote, og finalen starta klokka 19.45.

Den blei sendt direkte på DFS og i opptak på NRK frå kl 22 i kveld.

Amalie fekk ein litt skeiv start då klokka starta utan at ho fekk med seg eld-kommandoen.

Men ho kom seg i posisjon og starta med nokre tiarar, men fekk også ein niar og ein åttar (8,8).

Dermed blei det 97 i finalen og 343 totalt.

Det heldt ikkje til topp 10, men ho er likevel nøgd med å ha tatt seg til finale, og lagt blant kongar, prinsar og prinsesser og skote.

– Dette var veldig kjekt! seier Amalie til Midtsiden mens NRK si sending går.

Sjølv om ho har skote betre før, er det noko eige å vera blant dei 12 beste på eit meistermøte, å ligga på det som på eit vanleg LS ville vore Kongelaget, å skyta.

– Dette er nok det beste eg har prestert etter juniorbronsen i 2019. Det var ei fin oppleving, og eg gler meg til neste stemne! No er målet å bli skyttardronning, seier Evensen.

Hans Kristian Wear vann med 350, dei to neste på resultatlista skaut 347.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.