LS 2021: God stemning - gode resultat

I år som i fjor blei det Heima-LS i staden for storstemne med 5000 deltakarar - i år som i fjor var det tendends til landsskyttarstemning på Os Skyttarlag sitt anlegg på Ulven.

– Vi er ein gjeng på rundt ti medlemmar som har gjort førebuingar denne veka. I år har vi gjort litt ekstra ut av det, blant anna med skyttarbok med bilde av deltakarane i, fortel Sophie Daviknes.

Ho sto som velkomstkomité, og var samtidig i tet med å hausa opp stemninga på inn- og utmarsj frå standplass.

– Ungdomen må jo få smaken på korleis det er på landsskyttarstemna, så dei er klare til verda blir normal igjen.

Musikken som ljoma over høgttalaranlegget var ikkje frå ei tilfeldig speleliste - men dei same låtane som LS bruker.

– Eg får jo gåsehud her eg står, seier Sophie og ler.

Det er går an å forstå, i videoen under ser du eksempel på inn- og utmarsj:

Ei handfull skyttarar frå Hålandsdal og Strandvik kom til Os for å skyta.

Knut Skjelbreid var ein av dei. Men før opprop fekk han ein prat med ein annan veteran, Arne Døsen.

– Nei, eg skal ikkje skyta i år. Sist gong var i 2012, i dag vil eg berre oppleva stemninga og helsa på gamle kjente. Eg synest det er eit fenomenalt opplegg dei har stelt i stand, og det trur eg er viktig, ikkje minst for ungdomen, seier Arne.

Yngste deltakarar frå Os, Pernille Nygård, fyller 9 år seinare i haust.

Etter ein lang dag med skyting var 55 på grillfest.

Ni bubilar og campingvogner blei over natta.

Topp 10

Også sjølve skytinga gjekk bra for mange av deltakarane.

I Heima-LS kan det skytast både før og etter sjølve dagen, så plasseringane er førebelse.

• Sjå alle resultata på livevisning.com

Men nokre av dei som skaut på Ulven ligg på førebels rundt topp 10 i sin klasse.

Knut Skjelbreid V73 er topp 12 med sitt resultat, Adelheid Røttingen Møller er topp 9 junior bane, Celine D Hårvik på topp 12 i junior felt.

Sofie Evensen har beste resultat til no med topp 6 i eldre junior felt (30/14). På baneskytinga er ho topp 10 (344).

I baneskytinga er Arild Røyseth på 22. plass med 345, Amalie Evensen og Ragnhild Eide Ure begge på topp 70 i kl 3-5 etter 342 og 341.

Amalie deltar tysdag på Skytternes mestermøte. Skytinga hennar kan du sjå direkte på NRK 1 frå klokka 14 i morgon.

Bildeserie:

1 av 14

Best på Ulven

Om Heima-LS var eit lokalt stemne, ville desse ha stukke av med sigeren:

• I junior var Adelheid Røttingen Møller best med 349.
• Henriette Frydenlund (Strandvik) vann eldre rekrutt med 346.
• I kl v55 vann Arvid Austefjord baneskytinga med 345.
• I kl 2 vann Cathrine Marie Daviknes med 341.
• Kikkert kl vann John Kenneth Nilsen med 249.

Feltskyting, lokale resultat:

• Sofie E vann over klassane v55, 3-5 og Eldre junior.
• Kl 1 vann Ove Vaktdal med 16/4.
• Kl 2 vann Sølvi Løberg med 18/4.
• Kikkert klassen vann Oddbjørn Eide med 23/10.
• Tobias Eide vann rekrutt klassa med 23/3.
• Eldre rekrutt vann Tirill Nagel Korsvold 29/16
• Celine Daviknes Hårvik vann junior kl med 30/23.
• V65 Terje Os 30/24.
• V73 Knut Skjelbreid 30/17.